اوگرا ایل پی جی دی قیمتاں اچ اضافے دا نوٹیفکیشن جاری کر ݙتے

اسلام آباد۔31 جنوری(اے پی پی) آئل اینڈ گیس ریگولیٹری اتھارٹی (اوگرا) ایل پی جی دی قیمتاں اچ اضافے دا نوٹیفکیشن جاری کر ݙتے۔ نوٹیفکیشن دے مطابق گھریلو سلنڈر دی قیمت اچ فی کلو 78 روپے 28 پیسے دا اضافہ کیتا ڳئے۔ ایل پی جی دے گھریلو سلنڈر اچ 9 سو 23 روپے 71 پیسے اضافے دے بعد 11.8 کلوگرام دے ایل پی جی سلنڈر دی نویں قیمت 3 ہزار 5 سو 88 روپے 59 پیسے اتے ایل پی جی دی فی کلو قیمت 304 روپے 12 پیسے تھی گئی اے۔ ایل پی جی دی ایں نویں قیمت دا اطلاق یکم اپریل توں تھیسی۔ ترجمان اوگرا دے مطابق ایل پی جی پروڈیوسر دی قیمت سعودی آرامکو (CP) اتے امریکی ڈالر دے ایکسچینج ریٹ نال جڑی ہوئی اے۔ پچھلے مہینے دے مقابلے اچ سعودی آرامکو (CP) اچ 44  فیصد اضافہ تھئے، جڈاں جو ڈالر دی اوسط قیمت اچ0.11 فیصد کمی ریکارڈ کیتی گئی اے جیندے نال ایل پی جی استعمال کرݨ والیاں کیتے 11.8 کلو گرام دے سلنڈر دی قیمت اچ مجموعی طور تے 923 روپے 71 پیسے (یعنی 34.66 فیصد) اضافہ تھئے ۔