پاکستان سرائیکی پارٹی دے 37 ویں یومِ تاسیس تے کانفرنس دا انعقاد

اسلام آباد۔ 7 اپریل (اے پی پی سرائیکی نیوز سروس) پاکستان سرائیکی پارٹی دے 37 ویں یومِ تاسیس تے بانی رہبرِ سرائیکستان بیرسٹر تاج محمد خان لنگاہ دی 13 ویں برسی دے موقع تےاڄ ست اپریل کوں ملتان ہائیکورٹ بار روم اچ ہک  کانفرنس تھئی ۔ ایں کانفرنس دا عنوان “سرائیکی وطن تے سرائیکی قوم دے حقوق تے شناخت دے انکار کیوں؟” ہئی۔  کانفرنس اچ سرائیکی وسیب دی ساری ہم خیال جماعتاں دے سربراہان، ادیباں، دانشوراں تے شعراء کرام  بھرپور شرکت کیتی۔ پروگرام دی میزبانی دے فرائض مرکزی چیئرمین سرائیکی پارٹی ڈاکٹر اکبر انصاری ایڈووکیٹ ، مرکزی صدر ڈاکٹر نعمان طیب، ملک جاوید چنڑ ایڈووکیٹ (مرکزی سیکرٹری پاکستان سرائیکی پارٹی) سر انجام ݙتے۔مقررین رہبرِ سرائیکستان بیرسٹر تاج محمد خان لنگاہ دی سرائیکی حقوق کیتے کیتی گئی جدوجہد کوں خراجِ تحسین پیش کیتا۔ شرکاء سرائیکی وسیب دی محرومیاں، جغرافیائی شناخت تے سیاسی حقوق دے حوالے نال آپݨے خیالات دا اظہار کیتا۔

ڈاکٹر سعدیہ کمال