تہران۔ 10 اپریل (اے پی پی) ایران دے نویں سپریم لیڈر مجتبیٰ خامنہ ای آپݨے تازہ تحریری سنیھے اچ آکھیا جو انھاں دا ملک امریکہ دے نال جنگ نئی چاہندا مگر ہک قوم دے طور تے آپݨے حقوق دا دفاع کریسی ۔ فرانسیسی خبر رساں ادارے اے ایف پی ایران دے سرکاری ٹیلی ویژن دا حوالہ ݙیندیں ہوئیں ݙسایا جو اے سنیھا انھاں دے والد آیت اللہ خامنہ ای دی …
امریکہ دے نال جنگ نئی چاہندے مگر آپݨے حقوق دا دفاع کریسوں ، ایران
تہران۔ 10 اپریل (اے پی پی) ایران دے نویں سپریم لیڈر مجتبیٰ خامنہ ای آپݨے تازہ تحریری سنیھے اچ آکھیا جو انھاں دا ملک امریکہ دے نال جنگ نئی چاہندا مگر ہک قوم دے طور تے آپݨے حقوق دا دفاع کریسی ۔ فرانسیسی خبر رساں ادارے اے ایف پی ایران دے سرکاری ٹیلی ویژن دا حوالہ ݙیندیں ہوئیں ݙسایا جو اے سنیھا انھاں دے والد آیت اللہ خامنہ ای دی موت دے 40 ݙینہہ پورے تھیوݨ دے موقع تے پڑھ تے سݨایا ڳیا، جیڑھے جو 28 فروری کوں تھیوݨ آلے حملیاں دا نشانہ بݨے ہن۔ مجتبیٰ خامنہ ای دا آکھݨ ہئی جو اساں جنگ چاہی ہئی نہ چاہندوں لیکن اساں کہیں وی صورت آچ اپݨے جائز حقوق توں دستبردار نہ تھیسوں اتے ایں سلسلے اچ اساں ایں پوری مزاحمت کوں ہک مجموعی فریضہ سمجھدوں۔ انھاں ٻیا آکھیا جو ایران آبنائے ہرمز دے سٹریٹیجک انتظام کوں ہک نویں مرحلے اچ داخل کریسی ۔ مجتبیٰ خامنہ ای ایرانی عوام کوں مخاطب کریندیں ہوئیں آکھیا جو جنگ بندی دے اعلان دے باوجود ‘او اے نہ سوچن جو سڑکاں تے نکلݨ ہݨ ضروری نئی رہیا۔ سنیھے دے مطابق انھاں آکھیا جو عوامی مقامات تے بلند تھیوݨ آلی تہاݙی آوازاں یقیناً مذاکرات دے نتائج تے اثر انداز تھی سڳدن۔
