وفاقی وزیر تجارت جام کمال خان دی یورپی یونین دے سفیر ریمونڈس کاروبلس نال ملاقات

اسلام آباد۔ 17 اپریل(اے پی پی)وفاقی وزیر تجارت جام کمال خان یورپی یونین دے سفیر ریمونڈس کاروبلس نال ملاقات اچ ݙو طرفہ تجارت اتے سرمایہ کاری ودھاوݨ دا عزم کریندے اعلان کیتے جو “پاکستان-یورپی یونین بزنس فورم” ایں مہینے دے آخر اچ اسلام آباد اچ تھیسی، جیندے نال کاروباری رابطیاں اچ وسعت اتے برآمدات ودھاوݨ دی راہ نکلݨ دی توقع اے۔ اے ڳالھ وفاقی وزیر تجارت جام کمال خان پاکستان اچ تعینات یورپی یونین دے سفیر ریمونڈس کاروبلس نال ملݨ ویلھے آکھی۔ ملاقات اچ ݙو طرفہ تجارت، سرمایہ کاری اتے اقتصادی تعاون ودھاوݨ تے الایا۔ وزیر تجارت ڈسایا جو پاکستان-یورپی یونین بزنس فورم 28 تے 29 اپریل 2026 کوں اسلام آباد اچ تھیسی، جیندے اچ 300 توں ودھ یورپی کمپنیاں شرکت کریسن جیڑھیاں باہمی تجارتی رابطے ودھاوݨ اچ مدد ݙیسن، اے فورم پاکستان اچ تجارت اتے سرمایہ کاری دے نویں موقع پیدا کریسی۔ وزیر تجارت آکھیا جو پاکستان جی ایس پی پلس سکیم دے سارے تقاضے پورے کرݨ کیتے پرعزم اے۔