عالمی جغرافیائی تے سیاسی غیر یقینی صورتحال دے باوجود اہم معاشی اشاریے مستحکم ہن، سپلائی چین اچ جاری رکاوٹاں پاروں اپریل کیتے مہانگ دی شرح 8 توں ڳھن کراہیں 9 فیصد وچال رہݨ دا امکان اے، وفاقی وزارتِ خزانہ

اسلام آباد۔ 30 اپریل (اے پی پی) وفاقی وزارتِ خزانہ آکھیا جو جاری عالمی جغرافیائی اتے سیاسی غیر یقینی صورتحال دے باوجود اہم معاشی اشاریے مستحکم ہن، سپلائی چین اچ جاری رکاوٹاں پاروں اپریل 2026 کیتے مہنگائی دی شرح 8.0 توں گھن کراہیں 9.0 فیصد وچال رہݨ دا امکان اے‏۔ اے ڳالھ وزارتِ خزانہ ولوں جاری کیتی ڳئی ماہانہ اقتصادی اپ ڈیٹ رپورٹ اچ آکھی ڳئی‏۔ رپورٹ دے مطابق جاری مالی سال دے دوران وݙی صنعتاں اچ ترقی دی رفتار برقرار اے جئیں دی نمایاں جھلک آٹو موبائل شعبے اچ وسیع بنیاداں تے بحالی تے سیمنٹ دی ودھدی ہوئی کھپت اچ ݙٹھی ونڄ سگی اے، ایندے توں اندرونی طلب اچ بہتری دی نشاندہی تھیندی پئی اے، ایں رفتار دی بنیاد تے توقع اے جو معاشی سرگرمیاں مضبوط رہسن‏۔ رپورٹ دے مطابق مشرقِ وسطیٰ اچ ممکنہ جنگ، عالمی اجناس دی قیمتاں اچ اضافہ تے رسد دے نظام اچ خلل جہیے خطرات دے باوجود ترسیلاتِ زر تے آئی ٹی برآمدات اچ اضافے پاروں بیرونی شعبہ مستحکم رہݨ دی توقع اے‏۔ رپورٹ دے مطابق مجموعی طور تے معیشت مضبوط بنیاد تے کھڑی ݙکھالی ݙیندی پئی اے اتے اآپݨی ترقی دی رفتار برقرار رکھݨ کیتے موزوں پوزیشن اچ اے جئیں کوں مستحکم معاشی بنیاداں تے بروقت تے موثر پالیسی اقدامات دی حمایت حاصل اے تانجو ممکنہ منفی اثرات کوں ڳھٹ توں ڳھٹ کیتا ونڄ سڳے‏۔ اقتصادی اپ ڈیٹ رپورٹ دے مطابق جاری مالی سال دے پہلے 9 مہینیاں اچ ترسیلاتِ زر دا حجم 30.3 ارب ڈالر ریکارڈ کیتا ڳیا جیہڑا گزریل مالی سال دی ایں مدت دے 28 ارب ڈالر دے مقابلے وچ 8.2 فیصد ودھ اے، ایں مدت اچ برآمدات دا حجم 23.3 ارب ڈالر رہیا جیہڑا گزریل مالی سال دی ایں مدت دے 24.7 ارب ڈالر دے مقابلے اچ 5.8 فیصد ڳھٹ اے، مالی سال دے پہلے 9 مہینیاں اچ درآمدات تے 46.8 ارب ڈالر زرمبادلہ خرچ تھیا جیہڑا گزریل مالی سال دی ایں مدت دے 43.4 ارب ڈالر دے مقابلے اچ 7.9 فیصد ودھ اے، حساباتِ جاریہ (Current Account) دے کھاتیاں دا توازن جاری مالی سال دے پہلے 9 مہینیاں اچ 174 ملین ڈالر فاضل (Surplus) تھی ڳئے‏۔ مالی سال دے پہلے 9 مہینیاں اچ حساباتِ جاریہ دے کھاتیاں دا توازن 174 ملین ڈالر فاضل رہیا جیہڑا گزریل مالی سال دی ایں مدت اچ 1.755 ارب ڈالر فاضل ہئی، مارچ اچ حساباتِ جاریہ دے کھاتے 1.070 ارب ڈالر فاضل ریکارڈ کیتے ڳئے جیہڑے فروری اچ 231 ملین ڈالر فاضل تے گزریل سال مارچ اچ 1.276 ارب ڈالر فاضل ہن‏۔ مالی سال دے پہلے 9 مہینیاں اچ بنیادی خسارہ (Primary Balance) 6.331 ارب ڈالر ریکارڈ کیتا ڳیا جیہڑا گزریل مالی سال دی ایں مدت دے 6.829 ارب ڈالر دے مقابلے اچ 7 فیصد گھٹ اے، مارچ اچ پرائمری خسارہ 607 ملین ڈالر ریکارڈ کیتا ڳیا، مالی سال دے پہلے 9 مہینیاں اچ 1.354 ارب ڈالر دی براہِ راست غیر ملکی سرمایہ کاری ریکارڈ کیتی ڳئی جیہڑی گزریل مالی سال دی ایں مدت دے 1.856 ارب ڈالر دے مقابلے اچ 27 فیصد گھٹ اے، 7 اپریل 2026 کوں زرمبادلہ دے مجموعی ملکی ذخائر دا حجم 20.6 ارب ڈالر ریکارڈ کیتا ڳیا جیہڑا گزریل سال 18 اپریل کوں 15.4 ارب ڈالر ہئی، 29 اپریل 2026 کوں ایکسچینج ریٹ 278.8 روپے ریکارڈ کیتا گیا جیہڑا گزریل سال 29 اپریل کوں 281 روپے ہئی، اعداد و شمار دے مطابق مالی سال دے پہلے 9 مہینیاں اچ ایف بی آر دے محصولات دا حجم 9.305 ٹریلین روپے ریکارڈ کیتا گیا جیہڑا گزریل مالی سال دی ایں مدت دے 8.453 ٹریلین روپے دے مقابلے اچ 10.1 فیصد زیادہ اے، ایف بی آر دے نان ٹیکس محصولات دا حجم 4.225 ٹریلین روپے رہیا جیہڑا گزریل مالی سال دی ایں مدت دے 3.921 ٹریلین روپے دے مقابلے اچ 7.7 فیصد زیادہ اے، مالی سال دے پہلے 8 مہینیاں اچ زرعی شعبے کوں فراہم کیتے ڳئے قرضیاں دا حجم 1.892 ٹریلین روپے ریکارڈ کیتا ڳیا جیہڑا گزریل مالی سال دی ایں مدت دے 1.654 ٹریلین روپے دے مقابلے اچ 14.4 فیصد زیادہ اے، یکم جولائی 2025 توں 3 اپریل 2026 تئیں دی مدت اچ نجی شعبے کوں فراہم کیتے ڳئے قرضیاں دا حجم 864.1 ارب روپے ریکارڈ کیتا ڳیا جیہڑا گزریل مالی سال دی ایں مدت اچ 664.9 ارب روپے ہئی، 28 اپریل کوں پالیسی ریٹ 11.5 فیصد ہئی جیہڑا گزریل سال 6 مئی کوں 11 فیصد ہئی، اعداد و شمار دے مطابق مالی سال دے پہلے 9 مہینیاں اچ صارفین کیتے قیمتاں دا عمومی اشاریہ (CPI) 7.3 فیصد رہیا جیہڑا گزریل مالی سال دی ایں مدت اچ 0.7 فیصد ہئی، مالی سال دے پہلے 8 مہینیاں اچ وݙی صنعتاں دی پیداوار وچ نمو دی شرح 5.9 فیصد ریکارڈ کیتی گئی، اعداد و شمار دے مطابق سٹاک مارکیٹ اچ مجموعی طور تے بہتری ݙیکھݨ اچ آئی، 29 اپریل 2026 کوں پاکستان سٹاک ایکسچینج دا کے ایس ای 100 انڈیکس 165823 پوائنٹس ریکارڈ کیتا ڳیا جیہڑا گزریل سال 29 اپریل کوں 114872 پوائنٹس ہئی، سٹاک ایکسچینج اچ نمو دی شرح 44.3 فیصد رہی، مارکیٹ کیپٹلائزیشن اچ پاکستانی کرنسی دے لحاظ نال نمو دی شرح 35.8 فیصد تے امریکی ڈالر اچ نمو دی شرح 36.9 فیصد ریکارڈ کیتی ڳئی اے، نویں کمپنیوں دی رجسٹریشن اچ 22.7 فیصد دی شرح نال نمو تھئی اے‏۔