اسلام آباد۔ 6 مئی(اے پی پی)وفاقی وزیر تجارت جام کمال خان آکھیے جو پاکستان خطے اچ استحکام ودھاوݨ کیتے توجہ ݙیندا پئے، جیڑھا عالمی تجارت، سرمایہ کاری دے وہاؤ اتے اقتصادی رابطیاں کیتے ضروری اے۔ انہاں اے ڳالھ نائب امریکی تجارتی نمائندے (یو ایس ٹی آر) رِک سوئٹزر نال ہک ورچوئل ملاقات اچ آکھی۔ ملاقات اچ ݙو طرفہ تجارتی تعلقات، جاری مذاکرات کوں اڳو تے ودھاوݨ تے ݙوہیں ملکاں وچال …
وفاقی وزیر تجارت جام کمال خان دی امریکی تجارتی نمائندے رِک سوئٹزر نال ورچوئل ملاقات
مزید خبراں
اسلام آباد۔ 6 مئی(اے پی پی)وفاقی وزیر تجارت جام کمال خان آکھیے جو پاکستان خطے اچ استحکام ودھاوݨ کیتے توجہ ݙیندا پئے، جیڑھا عالمی تجارت، سرمایہ کاری دے وہاؤ اتے اقتصادی رابطیاں کیتے ضروری اے۔ انہاں اے ڳالھ نائب امریکی تجارتی نمائندے (یو ایس ٹی آر) رِک سوئٹزر نال ہک ورچوئل ملاقات اچ آکھی۔ ملاقات اچ ݙو طرفہ تجارتی تعلقات، جاری مذاکرات کوں اڳو تے ودھاوݨ تے ݙوہیں ملکاں وچال اقتصادی تعاون دیاں نویاں راہواں لٻھݨ تے ڳالھ کیتی ڳئی۔ رِک سوئٹزر علاقائی استحکام کوں ودھاوݨ اچ پاکستان دے تعمیری کردار دی تعریف کیتی اتے حالیہ علاقائی پیش رفت اچ ڳالھ مہاڑ کیتے سہولت ݙیوݨ اچ پاکستان دی مخلصانہ کوششاں دا اعتراف کیتے۔ وفاقی وزیر جام کمال خان آکھیا جو پاکستان ذمہ دارانہ عالمی مشغولیت اتے ثالثی کیتے پرعزم اے۔ ݙوہیں فریقین خاص طور تے متوازن تجارتی معاہدے اتے ڈیجیٹل تجارت سودھا اہم شعبیاں اچ تعاون ودھاوݨ تے اتفاق کیتا۔
