ڈیرہ غازی خان اچ نجی سکول دی چھت ڈھݨ نال 4 ٻال ڄاں بحق

ڈیرہ غازی خان۔ 7 مئی(اے پی پی)ڈیرہ غازی خان اچ ہک نجی سکول دی چھت ڈھݨ نال 4 ٻال جاں بحق تھی ڳئن اتے 9 کوں جیند اکݙھ ڳھدا ڳئے۔ ریسکیو 1122 حکام دے مطابق، اے حادثہ بلاک نمبر ڈبلیو اتے وی دی وچلی سڑک تے نجی سکول “دی لٹل سکالرز سکول” اچ تھئے جتھاں کمرہ جماعت دی چھت ݙھے پئی۔ ریسکیو 1122 دی ٹیم موقع تے پڄ تے امدادی کماں اچ حصہ ڳھدے اتے زخمی ٻالاں کوں ہسپتال پچائے۔ ریسکیو پنجاب دے ترجمان فاروق احمد دے مطابق ہݨ تئیں 23 ٻالاں کوں ملبے توں کݙھیا ڳئے جیندے اچوں 4 ٻال فوت تھی ڳئن۔ سکول انتظامیہ دا آکھݨ اے ملبہ ہٹاوݨ اتےس رچ دا کم جاری اے تاں جو کوئی ٻیا ٻال ہیٹھ نا ہووے۔ کمشنر اشفاق احمد چوہدری، آر پی او اظہر اکرم اتے ڈی پی او صادق بلوچ موقع ݙٹھے۔ ڈیرہ غازیخان دے ہسپتالاں اچ ایمرجنسی لا ݙتی ڳئی اے جو زخمیاں کوں بہترین علاج مل سڳے۔