اسلام آباد۔8 مئی(اے پی پی) معرکہ حق کوں ہک سال پورا تھیوݨ دے موقعے تے فوج دے شعبہ تعلقاتِ عامہ (آئی ایس پی آر) توں جاری کیتے ڳئے جذباتی ملی نغمے ''اللہ اکبر، تیار ہیں ہم'' کوں عوام ٻہوں پسند کریندے پئن۔ آئی ایس پی آر دے ایں نغمے لوکاں دے دل جیت ڳھدن۔ ایں شاندار نغمے دے خون گرما ݙیوݨ والے لفظاں اتے سحر انگیز آواز ہک نواں سماں …
معرکہ حق دا ہک سال مکمل تھیوݨ تے آئی ایس پی آر دا نواں ملی نغمہ
مزید خبراں
اسلام آباد۔8 مئی(اے پی پی) معرکہ حق کوں ہک سال پورا تھیوݨ دے موقعے تے فوج دے شعبہ تعلقاتِ عامہ (آئی ایس پی آر) توں جاری کیتے ڳئے جذباتی ملی نغمے ”اللہ اکبر، تیار ہیں ہم” کوں عوام ٻہوں پسند کریندے پئن۔ آئی ایس پی آر دے ایں نغمے لوکاں دے دل جیت ڳھدن۔ ایں شاندار نغمے دے خون گرما ݙیوݨ والے لفظاں اتے سحر انگیز آواز ہک نواں سماں ٻدھ ݙتے، معرکہ حق دے موقعے تے ایں ولولہ انگیز نغمے عوام اچ حب الوطنی دا جذبہ ٻیا ودھا ݙتے۔ نغمے دے جوشیلے ٻول ”غالب ہیں خدا کا وار ہیں ہم” فوج اتے عوام دا ایمانی جذبہ تازہ کر ݙتے۔ ایں نغمے اچ بھارت کوں صاف سنیہا ݙتا ڳئے جو بھارت کائنی ڄاݨدا جو اوں کیہڑی ہمت والی قوم کوں للکاریے، پاک فوج بھارت دی ہر قسم دی اشتعال انگیزی دا جواب ݙیوݨ کیتے ہر ویلے تیار اے، بہتر حکمت عملی، جدید ہتھیاراں اتے سخت ترین تربیت پاکستان دی فوج کوں مکار دشمن تے پکی برتری ݙیوائی اے۔ ایں ملی نغمے اچ پاک فوج دی پیشہ ورانہ مہارت، قومی عزم اتے وطن دے دفاع دے جذبے دی پوری عکاسی کیتی ڳئی اے۔
