حکومت انسانی مسئلیاں دے حل کیتے جامع نظام ٻݨاوݨ کیتے پرعزم اے، وزیراعظم شہبازشریف

اسلام آباد۔ 8 مئی(اے پی پی) وزیراعظم محمد شہباز شریف ہمدردی، رضاکارانہ خدمت اتے یکجہتی دی قدراں اپناوݨ تے زور ݙیندے آکھیے جو حکومت سماجی سطح تے انسانی مسئلیاں دے حل کیتے ہک مضبوط اتے جامع نظام کیتے پرعزم اے۔ عالمی یومِ ریڈ کراس و ریڈ کریسنٹ تے سنیہے اچ وزیر اعظم پاکستان سودھا سارے ڄڳ دے رضا کاراں کوں مبارکباد ݙتی اے اتے آکھیے جو ایں سال اے ݙینہہ “انسانیت اچ اتحاد” دے عنوان نال منایا ویندا پئے جیہڑا ہمدردی دی طاقت کوں ظاہر کریندے، اڄوکے دورِ اچ موسمیاتی تبدیلی، قدرتی آفات تے صحت دے مسئلیاں پاروں ریڈ کراس تے ہلالِ احمر جیسی تنظیماں دا کردار ٻہوں اہم تھی ڳئے۔ انہاں آکھیے جو حکومت آفات توں نمٹݨ کیتے وارننگ سسٹمز کوں مضبوط بݨاوݨ اتے صحت دیاں سہولتاں کوں بہتر کرݨ کیتے عملی اقدامات کریندی پئی اے۔ پاکستان ہلالِ احمر سوسائٹی دی خدمات دی تحسین کریندے ہوئیں وزیراعظم آکھیا جو دور دراز علاقیاں تئیں انہاں دی رسائی انسانیت دی خدمت دا ثبوت اے۔ وزیراعظم شہریاں توں اپیل کیتی جو او ضرورت منداں دی مدد دے عزم تے کٹھے تھی ونڄن۔