پاکستان جنگ اچ کامیابی دے نال نال امن دا وی داعی اے، وفاقی وزیر اطلاعات عطاء اللہ تارڑ دا معرکہ حق دی فتح دا سال مکمل تھیوݨ دی تقریب نال خطاب

اسلام آباد۔ 8 مئی(اے پی پی)وفاقی وزیر اطلاعات و نشریات عطاء اللہ تارڑ آکھیے جو پاکستان جنگ اچ کامیابی دے نال نال امن دا وی چاہوݨ والا اے، پاکستان دا ہمیشہ توں اے موقف اے جو ساݙی امن پسندی کوں ساݙی کمزوری نہ سمجھیا ونڃے۔ پریس ایسوسی ایشن آف سپریم کورٹ ولوں معرکہ حق دی تقریب ایں ڳالھ دی دلیل اے جو پوری قوم اپݨی فوج دے نال کھڑی اے۔ انہاں اے ڳالھ معرکہ حق دی فتح دا ہک سال مکمل تھیوݨ تے تقریب نال خطاب اچ آکھی۔ وفاقی وزیر آکھیے جو کامیابی قومی اتحاد نال ہی ملدی اے، معرکہ حق دے دوران سرحداں تے فوج دے نال عام شہری وی دشمن دے ڈرون کوں نشانہ ٻݨیندے نظر آئے۔ انہاں آکھیے جو رافیل طیارے ڈھاوݨ دے نال بھارت دا تکبر وی مٹی اچ مل ڳئے اتے اڄ پوری دنیا پاک فضائیہ دی تعریف کریندی پئی اے۔ دشمن کوں اینڄھا ولدا ݙتا ڳیا جو او چار گھنٹیاں اچ ہی گوݙے ٹیکݨ تے مجبور تھی ڳیا۔ عطاء اللہ تارڑ آکھیا جو وزیراعظم دے وژن اتے فیلڈ مارشل سید عاصم منیر دی جرات نال پاکستان فتح یاب تھیا۔ انہاں بھارتی میڈیا تے تنقید کریندے آکھیے جو بھارتی میڈیا ‘تھیٹر’ ٻݨ چکیے جݙاں جو پاکستانی میڈیا ذمہ داری ݙکھائی۔ انہاں نوجوان نسل دی تعریف کیتی جنہاں میمز دے ذریعے بیانیے دی جنگ لڑی۔ انہاں آکھیے جو اساں ایہو جھیہاں انتظام کیتا جو پورے بھارت اچ ساݙے ملی نغمے سݨائی ݙیندے ہن۔ تقریب دے اخیر اچ کیک وی کٹیا ڳیا اتے عزم دوہرایا ڳیا جو پاکستان دا دفاع مضبوط ہتھاں اچ اے۔