اسلام آباد۔ 8 مئی(اے پی پی) چیئرمین سینیٹ سید یوسف رضا گیلانی نال وفاقی وزیر خزانہ سینیٹر محمد اورنگزیب پارلیمنٹ ہاؤس اچ ملین۔ ملاقات اچ مالیاتی نظم و ضبط، ادارہ جاتی اصلاحات اتے خرچے گھٹ کرݨ (کفایت شعاری) دیاں پالیسیاں تے تفصیلی ڳالھ مہاڑ کیتی ڳئی۔ چیئرمین سینیٹ، سینیٹ سیکرٹریٹ دے اخراجات اچ کمی اتے مالی بچت دے اقدامات بارے وزیر خزانہ کوں ݙسایا۔ وزیر خزانہ محمد اورنگزیب سینیٹ سیکرٹریٹ …
چیئرمین سینیٹ سید یوسف رضا گیلانی نال وفاقی وزیر خزانہ محمد اورنگزیب دی ملاقات
مزید خبراں
اسلام آباد۔ 8 مئی(اے پی پی) چیئرمین سینیٹ سید یوسف رضا گیلانی نال وفاقی وزیر خزانہ سینیٹر محمد اورنگزیب پارلیمنٹ ہاؤس اچ ملین۔ ملاقات اچ مالیاتی نظم و ضبط، ادارہ جاتی اصلاحات اتے خرچے گھٹ کرݨ (کفایت شعاری) دیاں پالیسیاں تے تفصیلی ڳالھ مہاڑ کیتی ڳئی۔ چیئرمین سینیٹ، سینیٹ سیکرٹریٹ دے اخراجات اچ کمی اتے مالی بچت دے اقدامات بارے وزیر خزانہ کوں ݙسایا۔ وزیر خزانہ محمد اورنگزیب سینیٹ سیکرٹریٹ دی ایں مہم کوں حکومت کرݨ دے طریقے دی ہک چنڳی مثال قرار ݙتا۔ یوسف رضا گیلانی آکھیا جو فضول خرچیاں گھٹ کرݨ اتے قومی وسائل دا صحیح استعمال ٻہوں ضروری اے، سادگی اتے شفافیت نال ہی جمہوری ادارے مضبوط تھی سڳدن۔ چیئرمین سینیٹ حکومت دیاں معاشی پالیسیاں دی تعریف کیتی اتے آکھیے ڄیکر اصلاحات دا اے سلسلہ جاری رہیا تاں پائیدار ترقی آسی۔
