اسلام آباد۔ 8 مئی(اے پی پی) وزارتِ داخلہ متحدہ عرب امارات (یو اے ای) توں پاکستانی شہریاں کوں خاص طور تے نشانہ ٻݨا تے کڈھݨ دیاں خبراں کوں کوڑا اتے بدنیتی تے مبنی پروپیگنڈا قرار ݙتے۔ وزارتِ داخلہ ولوں جاری بیان اچ واضح کیتا ڳئے جو کہیں وی ملک، بشمول یو اے ای، توں کہیں خاص فرقے یا ملک دے بندیاں کوں نشانہ ٻݨا تے کڈھݨ دی خبر اچ کوئی …
متحدہ عرب امارات توں پاکستانیاں دی بے دخلی دیاں خبراں کوڑیاں ہین: وزارتِ داخلہ
مزید خبراں
اسلام آباد۔ 8 مئی(اے پی پی) وزارتِ داخلہ متحدہ عرب امارات (یو اے ای) توں پاکستانی شہریاں کوں خاص طور تے نشانہ ٻݨا تے کڈھݨ دیاں خبراں کوں کوڑا اتے بدنیتی تے مبنی پروپیگنڈا قرار ݙتے۔ وزارتِ داخلہ ولوں جاری بیان اچ واضح کیتا ڳئے جو کہیں وی ملک، بشمول یو اے ای، توں کہیں خاص فرقے یا ملک دے بندیاں کوں نشانہ ٻݨا تے کڈھݨ دی خبر اچ کوئی سچائی کائنی۔ بیان دے مطابق، جے کہیں بندے کوں کہیں ملک توں واپس بھیڄیا ویندے تاں او اوں ملک دے ویزہ قوانین، غیر قانونی دستاویزات یا قیام دی مدت ختم تھیوݨ پاروں ہک قانونی عمل ہوندے، جیندے اچ کوئی امتیازی سلوک کائنی ہوندا۔ وزارتِ داخلہ آکھیا جو سوشل میڈیا تے اے کوڑیاں خبراں لوکاں اچ بے چینی کھنݙاوݨ کیتے کھنڈائیاں ویندیاں پئن۔ پاکستانی شہری ٻئے دوست ملکاں اچ قانونی طریقے نال ملازمت اتے کاروبار کریندے پئے ہن۔
