آئی ایس پی آر ولوں نویں نغمے ‘للکار’ دا ٹیزر جاری، وطن نال محبت دی نویں صدا

راولپنڈی۔9 مئی(اے پی پی)معرکہ حق کوں ہک سال مکمل تھیوݨ تے پاک افواج کوں خراجِ تحسین پیش کرݨ سانگے آئی ایس پی آر نویں نغمے ‘للکار’ دا ٹیزر جاری کر ݙتے۔ آئی ایس پی آر ولوں جاری کیتے گئے نغمے اچ پاکستان کوں میلی اکھ نال ݙیکھݨ والے ہر دشمن کوں للکاریا ڳئے، اے نغمہ معرکہ حق جھئیں للکار دی عکاسی کریندے جیندی گونج دشمنانِ وطن دے دِلاں کوں اڄ وی ہلا ݙرا اے۔ نغمے دے شاندار ٻول معرکہ حق دی روح کوں اپݨے اندر سموئی پئن، نغمے اچ ملک دے دشمناں کوں ݙو ٹوک سنیہا ݙتا ڳئے جو پاکستان ہمیشہ متحد اتے ناقابلِ تسخیر اے۔ نغمے اچ پاک فوج اتے عوام ہر جارحیت اتے ظلم دے خلاف ‘بنیانُ المرصوص’ (سیسہ پلائی دیوار) آلی کار کھڑے رہݨ دا عزم دوہرائے۔ ایندے توں علاوہ آئی ایس پی آر دا اے نغمہ پاکستان دی سنڄاݨ، عزم اتے استقامت دی للکار اے۔