اسلام آباد۔ 10 مئی(اے پی پی) صدر مملکت آصف علی زرداری بنوں اچ پولیس سٹیشن فتح خیل اتے فتنہ الخوارج دے دہشت گردانہ حملے اچ شہید تھیوݨ والے پولیس دے عملے کوں خراج عقیدت پیش کیتے۔ ایوان صدر دے پریس ونگ توں جاری بیان اچ صدر مملکت شہداء دی مغفرت اتے درجات دی بلندی دی دعا کیتی۔ صدر مملکت واقعے اچ مقامی لوکاں دے گھراں کوں تھیوݨ والے نقصان تے …
صدر مملکت آصف علی زرداری دا بنوں حملے دے شہداء کوں خراج عقیدت
مزید خبراں
اسلام آباد۔ 10 مئی(اے پی پی) صدر مملکت آصف علی زرداری بنوں اچ پولیس سٹیشن فتح خیل اتے فتنہ الخوارج دے دہشت گردانہ حملے اچ شہید تھیوݨ والے پولیس دے عملے کوں خراج عقیدت پیش کیتے۔ ایوان صدر دے پریس ونگ توں جاری بیان اچ صدر مملکت شہداء دی مغفرت اتے درجات دی بلندی دی دعا کیتی۔ صدر مملکت واقعے اچ مقامی لوکاں دے گھراں کوں تھیوݨ والے نقصان تے افسوس کریندے ہوئیں صوبائی اتے وفاقی حکومت کوں ہدایت کیتی اے جو او زخمیاں اتے متاثرین دی ہر ممکن مدد کرن۔ صدر مملکت آصف علی زرداری آکھیا جو دہشت گرد عناصر دے ناپاک عزائم ناکام ٻݨائے ویسن، قوم اپݨی فورسز دے مونڈھے نال مونڈھا ملا تے کھڑی اے۔ انہاں آکھیا جو اینڄھے ویلے جݙاں پاکستان علاقائی اتے عالمی امن سانگے کوشاں اے، بھارتی پشت پناہی تے پلݨ والے دہشت گرد طالبان رجیم دیاں پناہ گاہواں توں پاکستان دی شہری آبادی اتے قانون نافذ کرݨ والے اداریاں کوں نشانہ ٻݨیندے پئن، پاکستان عالمی امن دی کوششاں اچ وی کامیاب تھیسی اتے اساں دہشت گرداں اتے انہاں دے سرپرستاں کوں وی شکست ݙیسوں۔ صدر مملکت آکھیا جو اساں صرف دہشت گرداں کوں نئیں ٻھل انہاں دے سہولت کاراں تے سرپرستاں کوں وی نشانہ ٻݨیسوں۔
