اسلام آباد۔ 11 مئی (اے پی پی) وفاقی وزیر تجارت جام کمال خان آکھیے حکومت صنعتی ترقی، برآمدات تے مبنی مینوفیکچرنگ تے ویلیو ایڈیشن دے ودھارے سانڳے پرعزم اے، جݙاں جو پالیسی سازی کوں صنعتی شعبے دی عملی ضرورتاں تے زمینی حقیقتاں موجب رکھیا ویسی۔ انہاں اے ڳالھ نیشنل سٹیل کمپلیکس لمیٹڈ دے وفد نال ملاقات وچ آکھی، جیندے وچ صنعتی مقابلے، ٹیرف سٹرکچر، ویلیو ایڈڈ مینوفیکچرنگ تے سٹیل و …
حکومت صنعتی ترقی تے برآمدات ودھاوݨ سانڳے پرعزم اے، وفاقی وزیر جام کمال خان
مزید خبراں
اسلام آباد۔ 11 مئی (اے پی پی) وفاقی وزیر تجارت جام کمال خان آکھیے حکومت صنعتی ترقی، برآمدات تے مبنی مینوفیکچرنگ تے ویلیو ایڈیشن دے ودھارے سانڳے پرعزم اے، جݙاں جو پالیسی سازی کوں صنعتی شعبے دی عملی ضرورتاں تے زمینی حقیقتاں موجب رکھیا ویسی۔ انہاں اے ڳالھ نیشنل سٹیل کمپلیکس لمیٹڈ دے وفد نال ملاقات وچ آکھی، جیندے وچ صنعتی مقابلے، ٹیرف سٹرکچر، ویلیو ایڈڈ مینوفیکچرنگ تے سٹیل و انجینئرنگ دے شعبے کوں پیش مسئلیں تے تفصیلی ڳالھ مہاڑ تھئی۔وفد وزیر تجارت کوں خام مال، انٹرمیڈیٹ مصنوعات تے ایکسپورٹ پروسیسنگ زونز (ای پی زیڈز) وچ تیار تھیوݨ آلی مصنوعات تے لڳے ہوئے ڈیوٹی سٹرکچر دے حوالے نال اپݨے تحفظات ݙسائے۔ وفد ݙسایا ٹیرف ایریا وچ خام مال منڳواوݨ آلی صنعتاں کوں امپورٹ دے مرحلے تے کسٹم ڈیوٹی بھرݨی پوندی اے، جݙاں جو ای پی زیڈز وچ پراسیسنگ دے بعد ایہو سامان ول ٹیرف ایریا وچ آوݨ تے اضافی ڈیوٹیاں دا سامݨا کریندے۔ وفد موجب اے نظام ڈوڑے ٹیکس وانڳوں اے جیندے نال پیداواری لاڳت ودھدی پئی اے۔ وفد تجویز ݙتی ڈیوٹی پوری مالیت دے بجائے صرف اوں اضافی قیمت تے لاتی ونڄے جیڑی ای پی زیڈ وچ بݨی اے۔ملاقات وچ کسٹمز ویلیو ایشن تے تکنیکی پیچیدگیاں تے وی ڳالھ تھئی۔ وفاقی وزیر آکھیا حکومت صنعتی شعبے دے مسئلے حل کرݨ سانڳے ساریں نال مشاورت جاری رکھیسی تاں جو ہک شفاف طریقہ کار بݨایا ونڄے جیندے نال صنعتی ترقی وی تھیوے تے قنونی تقاضے وی پورے تھیون۔ انہاں حکام کوں ہدایت کیتی ای پی زیڈ اے، کسٹمز حکام تے صنعتی نمائندیاں نال مشاورتی عمل جاری رکھیا ونڄے۔
