گوادر بندرگاہ تے ہک ٻیا کارگو جہاز کامیابی نال لنگر انداز تھی ڳئے، جنید انوار چوہدری

اسلام آباد۔ 11 مئی (اے پی پی) وفاقی وزیر بحری امور محمد جنید انوار چوہدری گوادر بندرگاہ دی ودھدی صلاحیت دا ذکر کریندے آکھیے جو جھکے سمندر دی ایں بندرگاہ تے ہک ٻیا کارگو جہاز کامیابی نال لنگر انداز تھی ڳئے، جیڑھا خطے وچ گوادر دے ودھدے کردار دی نشانی اے۔وزارت دی پریس ریلیز موجب وفاقی وزیر ݙسایا جو ایم وی یوان ہانگ ویئے گوادر بندرگاہ تے 11 مئی کوں سویلے10 وڄ تے 15 منٹ تے لنگر انداز تھئے، جیندے تے تقریباً 34 ہزار ٹن مال تے 20 ہزار دے نیڑے چیزاں موجود ہن۔ انہاں ݙسایا جو اے جہاز ٹرانس شپمنٹ سرگرمیاں کریندا پئے تے ایندا سامان ابوظہبی تے کویت سانڳے ہے، جینکوں گوادر بندرگاہ تے لہایا ویسی۔ جنید انوار چوہدری ایں پیش رفت کوں بحری تجارت سانڳے مثبت قرار ݙیندے آکھیا جو حکومت بندرگاہ دی سہولتاں ٻئی بہتر بݨاوݨ سانڳے پرعزم اے تاں جو بین الاقوامی شپنگ ٹریفک کوں ٻیا متوجہ کیتا ونڄ سڳے۔