اسلام آباد۔ 11 مئی (اے پی پی) وفاقی وزیر صحت مصطفیٰ کمال آکھیے اسلام آباد کوں صحت دے شعبے وچ ہک ماڈل سٹی بݨاوݨ ساݙی اولین ترجیح اے جتھاں شہریاں کوں جدید ترین (سٹیٹ آف دی آرٹ) طبی سہولتاں ملن۔ انہاں آکھیا جو اسلام آباد دی ودھدی آبادی دے نال نال آزاد کشمیر، گلگت بلتستان تے ملک دے پرے دے علاقیں توں وی لوک علاج سانڳے اتھاں آندن، ایں سانڳے …
اسلام آباد کوں صحت دے شعبے وچ ماڈل سٹی بݨاوݨ ساݙی ترجیح اے، وفاقی وزیر صحت مصطفیٰ کمال
مزید خبراں
اسلام آباد۔ 11 مئی (اے پی پی) وفاقی وزیر صحت مصطفیٰ کمال آکھیے اسلام آباد کوں صحت دے شعبے وچ ہک ماڈل سٹی بݨاوݨ ساݙی اولین ترجیح اے جتھاں شہریاں کوں جدید ترین (سٹیٹ آف دی آرٹ) طبی سہولتاں ملن۔ انہاں آکھیا جو اسلام آباد دی ودھدی آبادی دے نال نال آزاد کشمیر، گلگت بلتستان تے ملک دے پرے دے علاقیں توں وی لوک علاج سانڳے اتھاں آندن، ایں سانڳے آوݨ آلے ویہہ سالاں دی ضرورتاں موجب منصوبہ بندی ضروری اے۔وزارت صحت دے اجلاس وچ پمز (PIMS) تے پولی کلینک ہسپتالاں دی اپ گریڈیشن دے حوالے نال تفصیلی جائزہ ڳھدا ڳیا۔ وفاقی وزیر ہدایت کیتی جو پمز تے پولی کلینک وچ مریضاں دی ݙیکھ بھال، صفائی تے انفیکشن کنٹرول دے نظام کوں بین الاقوامی معیار موجب بݨایا ونڄے۔ انہاں آکھیا پمز ہسپتال کوں آوݨ آلے ݙو سالاں وچ جے سی آئی (JCI) ایکریڈیشن ݙیوا تے عالمی معیار دا بݨایا ویسی۔ وزیر صحت متعلقہ ٹیم کوں ہدایت کیتی ترائے (3) ہفتء دے اندر ہک جامع منصوبہ تیار کرتے پیش کیتا ونڄے۔
