اسلام آباد۔ 11 مئی (اے پی پی) وزارتِ اطلاعات و نشریات معرکہ حق دی تاریخی کامیابی دا ہک سال مکمل تھیوݨ تے قومی جذبے نال بھرپور خصوصی نغمہ جاری کر ݙتے۔ مشہور گلوکار شیراز اپل دی آواز وچ ایں نغمے دے ٻول "بنیان مرصوص۔ ہمیشہ تیار ہیں ہم" ہن۔ ملی نغمے وچ 10 مئی کوں پاکستان مونومنٹ وچ منعقدہ معرکہ حق دی مرکزی تقریب دے سوہݨے مناظر شامل کیتے ڳئن۔ …
وزارتِ اطلاعات ولوں معرکہ حق دی کامیابی تے خصوصی نغمہ جاری
مزید خبراں
اسلام آباد۔ 11 مئی (اے پی پی) وزارتِ اطلاعات و نشریات معرکہ حق دی تاریخی کامیابی دا ہک سال مکمل تھیوݨ تے قومی جذبے نال بھرپور خصوصی نغمہ جاری کر ݙتے۔ مشہور گلوکار شیراز اپل دی آواز وچ ایں نغمے دے ٻول “بنیان مرصوص۔ ہمیشہ تیار ہیں ہم” ہن۔ ملی نغمے وچ 10 مئی کوں پاکستان مونومنٹ وچ منعقدہ معرکہ حق دی مرکزی تقریب دے سوہݨے مناظر شامل کیتے ڳئن۔ نغمے وچ صدر مملکت آصف علی زرداری، وزیراعظم محمد شہباز شریف تے فیلڈ مارشل سید عاصم منیر سودھے اعلیٰ سول تے عسکری حکام، کابینہ دے ارکان تے اہم سیاسی و سماجی شخصیات دی شرکت دے مناظر وی شامل ہن جݙاں جو ترائی مسلح افواج دے دستیں دی پریڈ کوں وی نمایاں ݙکھایا ڳئے۔ ایں خصوصی نغمے وچ قومی یکجہتی، دفاعِ وطن دے عزم تے مسلح افواج دی پیشہ ورانہ صلاحیت کوں اجاگر کیتا ڳئے۔ نغمے وچ معرکہ حق دی کامیابی کوں قومی تاریخ دا ہک اہم باب قرار ݙیندے ایں عزم دا اعادہ کیتا ڳئے جو پاکستان دی مسلح افواج تے پوری قوم وطن دے دفاع سانڳے ہمیشہ تیار ہن۔
