اسلام آباد۔ 11 مئی (اے پی پی) وفاقی وزیر داخلہ محسن نقوی کوں آذربائیجان دے ہم منصب کرنل جنرل ولایت ایوازوف مراسلہ بھیڄے جیندے وچ آذربائیجان دے وزیر داخلہ صوبہ خیبر پختونخوا دے شہر بنوں وچ تھیوݨ آلے دہشت گرد حملے دی مذمت کیتی اے۔ وزارتِ داخلہ توں جاری بیان موجب آذربائیجان دے وزیر داخلہ پولیس اہلکاراں دی شہادت تے ݙکھ تے افسوس کیتے تے پاکستانی عوام تے متاثرین نال …
آذربائیجان دے وزیر داخلہ ولوں محسن نقوی کوں مراسلہ، بنوں حملے دی مذمت
مزید خبراں
اسلام آباد۔ 11 مئی (اے پی پی) وفاقی وزیر داخلہ محسن نقوی کوں آذربائیجان دے ہم منصب کرنل جنرل ولایت ایوازوف مراسلہ بھیڄے جیندے وچ آذربائیجان دے وزیر داخلہ صوبہ خیبر پختونخوا دے شہر بنوں وچ تھیوݨ آلے دہشت گرد حملے دی مذمت کیتی اے۔ وزارتِ داخلہ توں جاری بیان موجب آذربائیجان دے وزیر داخلہ پولیس اہلکاراں دی شہادت تے ݙکھ تے افسوس کیتے تے پاکستانی عوام تے متاثرین نال یکجہتی دا اظہار کیتا۔ انہاں آکھیا جو خودکش حملے وچ پولیس اہلکاراں دی شہادت تے زخمیاں دے افسوسناک واقعے تے او ٻہوں رنجیدہ ہن، آذربائیجان ہر قسم دی دہشت گردی دی سختی نال مذمت کریندے۔ آذربائیجان دہشت گردی دے خلاف عالمی کوششاں دی مستقل حمایت کریندے۔ آذربائیجانی وزیر داخلہ دعا کیتی جو اللہ تعالیٰ شہداء کوں اپݨی رحمت وچ جاہ ݙیوے تے زخمیاں کوں تکھے صحت یابی عطا فرماوے۔
