ڈاکٹر غلام علی ملاح دے چیئرمین پیرا (PEIRA) دے عہدے دا اضافی چارج رکھݨ دی مدت اچ توسیع دا نوٹیفکیشن جاری

اسلام آباد۔11 مئی (اے پی پی) وزارتِ وفاقی تعلیم تے پیشہ ورانہ تربیت کابینہ دے فیصلے دی روشنی اچ ڈاکٹر غلام علی ملاح کوں “اسلام آباد کیپیٹل ٹیریٹری پرائیویٹ ایجوکیشنل انسٹی ٹیوشنز ریگولیٹری اتھارٹی” (PEIRA) دے چیئرمین دے عہدے دا اضافی چارج رکھݨ دی مدت اچ 90 ݙینھ دی توسیع دا نوٹیفکیشن جاری کر ݙتے۔ جاری تھیوݨ آلے نوٹیفکیشن موجب ڈاکٹر غلام علی ملاح، جیڑھے جو انٹر بورڈ کوآرڈینیشن کمیشن (IBCC) اچ بطور ایگزیکٹو ڈائریکٹر فرائض انجام ݙیندے پئے ہن، انھاں کوں ایں اضافی چارج دی منظوری 7 اپریل 2026 توں ݙتی ڳئی اے۔ نوٹیفکیشن موجب اے توسیع 90 ݙینھ دی مدت پوری تھیوݨ یا مستقل چیئرمین دے لاوݨ تیکر، جیڑھا وی پہلے تھیوے، اوں ویلھے تیکر لاگو رہسی۔ اے نوٹیفکیشن وفاقی کابینہ دے 9 مئی 2026 دے فیصلے دے تناظر اچ جاری کیتا ڳئے