وفاقی وزیر داخلہ محسن نقوی دا سیف سٹی ہیڈ کوارٹرز دا دورہ

اسلام آباد۔11 مئی (اے پی پی) وفاقی وزیر داخلہ محسن نقوی سیف سٹی ہیڈکوارٹرز دا دورہ کیتا تے خصوصی اجلاس دی صدارت کیتی۔ وزیر داخلہ محسن نقوی اسلام آباد سیف سٹی کوں “کیپٹل سمارٹ سٹی” اچ بدلݨ دے پراجیکٹ تے تھیوݨ آلی ترقی دا جائزہ ڳھدا۔ وزیر داخلہ سیف سٹی ہیڈکوارٹرز دی سجاوٹ تے اپ گریڈیشن دے کم دا معائنہ کیتا۔ وزارت داخلہ توں جاری بیان موجب وزیر داخلہ کوں فیوژن سینٹر تے جدید کنٹرول روم بݨاوݨ دے کم دے بارے ݙسایا ڳیا۔ وزیر داخلہ محسن نقوی ہدایت کیتی جو کنٹرول روم کوں جدید تقاضیں تے ٹیکنالوجی موجب بݨایا ونڄے۔ وزیر داخلہ محسن نقوی سیف سٹی فیز ٹو کوں مقررہ ویلھے اچ پورا کرݨ دی ہدایت کیتی۔ وزیر داخلہ محسن نقوی آکھیے جو سیف سٹی اچ سارے متعلقہ اداریں کوں ہک پلیٹ فارم تے گھن آیا ویسی۔ اے منصوبہ اسلام آباد دے شہریاں کوں محفوظ تے پر سکون ماحول ݙیوݨ اچ ہک اہم سنگ میل ثابت تھیسی۔ بریفنگ دے دوران ݙسایا ڳیا جو سیف سٹی منصوبہ تکھے مکمل کیتا ویندا پئے۔ سارے ضروری آلات ݙتے گئن تے انھاں کوں لاوݨ دا کم جاری اے۔ ڈیجیٹل سسٹم کوں 30 مئی تیکر آپریشنل کر ݙتا ویسی۔ اجلاس اچ وفاقی سیکرٹری داخلہ خرم آغا، ڈی جی ایف آئی اے ڈاکٹر عثمان انور، آئی جی اسلام آباد پولیس علی ناصر رضوی سودھے اعلیٰ حکام شرکت کیتی۔