اسلام آباد۔11 مئی (اے پی پی) نائب وزیراعظم تے وزیر خارجہ اسحاق ڈار نویں وفاقی تے صوبائی یونیورسٹیاں دے قیام تے یونیورسٹی چارٹرز متعلق مسودہ قوانین دے جائزے دے حوالے نال ہک اجلاس دی صدارت کیتی۔ نائب وزیراعظم دفتر توں جاری بیان موجب اجلاس اچ ݙسایا ڳیا جو یونیورسٹیاں بݨاوݨ کیتے 2002ء اچ بݨایا ڳیا معیار ہݨ پراݨا تھی ڳئے تے موجودہ تعلیمی، تحقیقی تے مارکیٹ دی لوڑھ موجب کائنی …
نائب وزیراعظم اسحاق ڈار دی صدارت اچ نویں وفاقی تے صوبائی یونیورسٹیاں دے قیام تے یونیورسٹی چارٹرزمتعلق مسودہ قوانین دا جائزہ اجلاس
مزید خبراں
اسلام آباد۔11 مئی (اے پی پی) نائب وزیراعظم تے وزیر خارجہ اسحاق ڈار نویں وفاقی تے صوبائی یونیورسٹیاں دے قیام تے یونیورسٹی چارٹرز متعلق مسودہ قوانین دے جائزے دے حوالے نال ہک اجلاس دی صدارت کیتی۔ نائب وزیراعظم دفتر توں جاری بیان موجب اجلاس اچ ݙسایا ڳیا جو یونیورسٹیاں بݨاوݨ کیتے 2002ء اچ بݨایا ڳیا معیار ہݨ پراݨا تھی ڳئے تے موجودہ تعلیمی، تحقیقی تے مارکیٹ دی لوڑھ موجب کائنی رہیا۔ نائب وزیراعظم تے وزیرخارجہ اسحاق ڈار ایں ڳالھ تے زور ݙتا جو نظام کوں جدید بݨاوݨ ضروری اے تاں جو نویں یونیورسٹیاں معیاری تعلیم تے تحقیق دے بین الاقوامی معیار تے پوریاں لہہ سڳن۔ فیصلہ کیتا ڳیا جو ہائر ایجوکیشن کمیشن (HEC) یکم جون 2026ء تیکر یونیورسٹیاں بݨاوݨ دے معیار تے ول نظر کریسی جݙاں جو سارے رکئے ہوئے معاملیں کوں نویں فریم ورک دے بݨݨ دے بعد اوندے تحت ای ݙٹھا ویسی۔ اجلاس اچ یونیورسٹیاں دی کارکردگی، مختلف شعبیں، عالمی رینکنگ تے بین الاقوامی سطح تے ڈیمانڈ رکھݨ آلے مضامین کوں ترجیح ݙیوݨ دی اہمیت تے وی ڳالھ مہاڑ کیتی ڳئی۔ نائب وزیراعظم تے وزیر خارجہ ایں ڳالھ تے زور ݙتا جو اعلیٰ تعلیم دے شعبے کوں روزگار دے موقع تے تحقیق دے حوالے نال مضبوط نتیجے ݙیوݨے ہوسن تاں جو پڑھائی مکمل کرݨ آلے طلبہ کوں ملکی تے عالمی سطح تے بہتر موقع مل سڳن۔ اجلاس اچ وفاقی وزیر بین الصوبائی رابطہ رانا ثناء اللہ، وزیراعظم دے معاون خصوصی طارق باجوہ، سیکریٹری تعلیم، ایچ ای سی دی قیادت، ریکٹر نسٹ (NUST) تے متعلقہ وزارتاں دے سینئر حکام شرکت کیتی۔
