نائب وزیراعظم اسحاق ڈار دی سعودی وزیر خارجہ شہزادہ فیصل بن فرحان آل سعود نال خطے دی صورت حال تے ڳالھ مہاڑ

اسلام آباد۔11 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار سعودی وزیر خارجہ شہزادہ فیصل بن فرحان آل سعود نال خطے دی بدلدی ہوئی صورتحال تے سانجھی دلچسپی دے معاملیں تے ڳالھ کیتی۔ دفتر خارجہ توں جاری بیان موجب سعودی وزیر خارجہ علاقائی امن تے استحکام دے ودھارے کیتے پاکستان دے تعمیری کردار دی تعریف کیتی تے خاص طور تے ایران تے امریکہ وچال جاری رابطیں دے تناظر اچ اسلام آباد دی کوششاں دی حمایت دا اعادہ کیتا۔ ݙوہیں رہنماواں آبنائے ہرمز سودھے بحری سلامتی دے تحفظ دی اہمیت تے وی ڳالھ کیتی تے علاقائی و بین الاقوامی پیشرفت تے نیڑے رابطے اچ رہݨ تے اتفاق کیتا۔