اسلام آباد۔ 12 مئی (اے پی پی) پاکستان نور خان ایئربیس تے ایرانی جہاز دی موجودگی دے حوالے نال سی بی ایس نیوز دی رپورٹ کوں گمراہ کن تے سنسنی خیز قرار ݙے تے مسترد کرݙتے۔ترجمان دفتر خارجہ جاری بیان وچ آکھیے ایجھیاں کوڑیاں خبراں دا مقصد علاقائی امن دی کوششاں کوں ضیان پڄاوݨ اے۔ ترجمان ݙسایا جنگ بندی دے بعد تے اسلام آباد مذاکرات دے شروع دے دور وچ …
نورخان ایئربیس تے ایرانی جہاز دے حوالے نال سی بی ایس نیوز دی رپورٹ گمراہ کن اے، دفتر خارجہ
مزید خبراں
اسلام آباد۔ 12 مئی (اے پی پی) پاکستان نور خان ایئربیس تے ایرانی جہاز دی موجودگی دے حوالے نال سی بی ایس نیوز دی رپورٹ کوں گمراہ کن تے سنسنی خیز قرار ݙے تے مسترد کرݙتے۔ترجمان دفتر خارجہ جاری بیان وچ آکھیے ایجھیاں کوڑیاں خبراں دا مقصد علاقائی امن دی کوششاں کوں ضیان پڄاوݨ اے۔ ترجمان ݙسایا جنگ بندی دے بعد تے اسلام آباد مذاکرات دے شروع دے دور وچ ایران تے امریکہ توں کئی جہاز پاکستان پڄے ہن تاں جو مذاکراتی عمل نال جڑئے سفارتی تے انتظامی عملے دی نقل و حرکت وچ سوکھ تھی سڳے۔ انہاں آکھیا کجھ جہاز تے امدادی اہلکار عارضی طور تے پاکستان وچ رکئے ہوئے ہن۔ ترجمان مزید آکھیا جو ایں تناظر وچ ایرانی وزیر خارجہ دے دورہ اسلام آباد کوں لاجسٹک مدد ݙتی ڳئی، ایں ویلھے پاکستان وچ کھڑا ایرانی جہاز جنگ بندی دے دوران آیا ہئی تے ایندا کہیں فوجی ہنگامی صورتحال نال کوئی تعلق کائنی۔ پاکستان ہمیشہ غیر جانبدار تے ذمہ وار سہولت کار دے طور تے کم کیتے تے او عالمی امن و استحکام سانڳے مخلصانہ کوششاں دی حمایت جاری رکھیسی۔
