اسلام آباد۔ 12 مئی(اے پی پی) وفاقی وزیر تجارت جام کمال خان نال ترکمانستان دے سفیر عطاجان مولاموف ملاقات کیتی تے مختلف شعبیں وچ سانجھا تعاون ودھاوݨ تے ڳالھ کیتی ۔ملاقات وچ وفاقی وزیر تے ترکمانستان دے سفیر تجارت، توانائی تے علاقائی رابطیں تے تفصیلی ڳالھ مہاڑ کیتی تے سانجھی تجارتی و معاشی تعاون ودھاوݨ تے اتفاق کیتا۔ جام کمال خان پاکستان کوں وسطی ایشیا سانڳے قدرتی تجارتی رستہ قرار …
وفاقی وزیر تجارت نال ترکمانستان دے سفیر دی ملاقات
مزید خبراں
اسلام آباد۔ 12 مئی(اے پی پی) وفاقی وزیر تجارت جام کمال خان نال ترکمانستان دے سفیر عطاجان مولاموف ملاقات کیتی تے مختلف شعبیں وچ سانجھا تعاون ودھاوݨ تے ڳالھ کیتی ۔ملاقات وچ وفاقی وزیر تے ترکمانستان دے سفیر تجارت، توانائی تے علاقائی رابطیں تے تفصیلی ڳالھ مہاڑ کیتی تے سانجھی تجارتی و معاشی تعاون ودھاوݨ تے اتفاق کیتا۔ جام کمال خان پاکستان کوں وسطی ایشیا سانڳے قدرتی تجارتی رستہ قرار ݙیندے آکھیا ساݙی بندرگاہواں خطے کوں عالمی منڈیاں نال جوڑݨ وچ اہم کردار ادا کرسڳدن۔ انہاں ݙوہائیں ملکاں وچال کاروباری فورمز، نمائشاں تے چیمبرز آف کامرس دے رابطے ودھاوݨ تے زور ݙتا۔ ترکمانستان دے سفیرعلاقائی تجارت سانڳے پاکستان دے مثبت کردار دی تعریف کیتی تے توانائی دے منصوبیں تے وی ڳالھ کیتی۔ ݙوہئیں فریقین نجی شعبے دے تعاون کوں ودھارا ݙیوݨ دے عزم دا اظہار کیتا۔
