ٹیکسٹائل دا شعبہ ملکی برآمدات وچ اہم کردار ادا کریندا پئے، وزیر خزانہ محمد اورنگزیب

اسلام آباد۔ 12 مئی (اے پی پی) وفاقی وزیر خزانہ و محصولات سینیٹر محمد اورنگزیب ٹیکسٹائل دے شعبے دی اہمیت کوں تسلیم کریندے یقین ݙیوائے صنعت ولوں ݙتی ڳئی تجویزاں دا بجٹ سازی وچ تفصیلی جائزہ ڳھدا ویسی۔ انہاں اے ڳالھ ٹیکسٹائل تے ملبوسات دی صنعت دے ہک اعلیٰ سطح دے وفد نال ملاقات وچ آکھی۔وفد بجٹ 2026-27 سانڳے اپݨی سفارشات پیش کیتیاں تے آکھیا جو ٹیکسٹائل دا شعبہ روزگار تے زرمبادلہ دا وݙا ذریعہ اے، ایں سانڳے اینکوں عالمی مقابلے سانڳے مستحکم پالیسی ماحول ݙیوݨ ضروری اے۔ وزیر خزانہ آکھیا حکومت بجٹ توں پہلے محدود مشاورت دی روایت ختم کرتے سال بھر رابطے وچ رہݨ دی پالیسی اپنائی ہوئی اے تاں جو شفاف معاشی پالیسی بݨائی ونڄ سڳے۔ انہاں ٹیکسٹائل دے شعبے وچ وی ڈیجیٹل مانیٹرنگ سسٹم لاوݨ دی دعوت ݙتی تاں جو نظام وچ شفافیت آوے، جیویں جو کھنڈ، سیمنٹ تے تماخوں دے شعبیں وچ پہلے توں لاگو کیتا ڳئے تانجو اے سسٹم وزیراعظم دے خاندان نال جڑئے کاروباری اداریں تے وی لاگو کیتا ڳئے۔ وفد وچ ٹیکسٹائل دی نامور شخصیات شامل ہن۔