وفاقی وزیررانا تنویر دی کوششاں نال پاکستان انٹرنیشنل اولیو کونسل دا مکمل ممبر بݨ ڳئے

اسلام آباد۔ 12 مئی (اے پی پی) وفاقی وزیر قومی غذائی تحفظ و تحقیق رانا تنویر حسین دی قیادت وچ پاکستان ہک تاریخی کامیابی حاصل کریندے باضابطہ طور تے انٹرنیشنل اولیو کونسل (IOC) دی مکمل رکنیت حاصل کر ڳھدی اے۔ سپین دے شہر میڈرڈ وچ پاکستان دے سفیر ڈاکٹر ظہور احمد الحاق دی دستاویز تے دستخط کیتے۔توقع اے پاکستان جون 2026ء وچ تھیوݨ آلے آئی او سی کونسل دے 123ویں اجلاس وچ مکمل ممبر دی حیثیت نال شرکت کریسی۔ ایں رکنیت نال پاکستان کوں زیتون دے تیل دی عالمی منڈی تئیں رسائی، جدید تحقیق، تکنیکی تعاون تے بین الاقوامی تربیتی موقع مل ویسن۔ ہݨ پاکستانی زیتون دے تیل کوں عالمی معیار موجب گریڈ کیتا ونڄ سڳسی، جیندے نال برآمدات وچ ودھارا تھیسی۔وفاقی وزیررانا تنویر حسین ایں کامیابی تے اطمینان دا اظہار کریندے آکھیے ساݙے محنتی کاشتکاراں دی محنت دا ثمر اے تے ایندے نال خوردنی تیل وچ خود کفالت تے دیہی خوشحالی آسی۔ پاکستان وچ زیتون دی کاشت سانڳے 44 لکھ ہیکٹر توں ودھ زمین دی سنڄاݨ کیتی ڳئی اے، جیندے نال پاکستان مستقبل وچ زیتون پیدا کرݨ آلے وݙے ملکاں وچ شامل تھی سڳسی۔