اسلام آباد۔ 14 مئی (اے پی پی) سپریم کورٹ آف پاکستان اچ چیف جسٹس آف پاکستان جسٹس یحییٰ آفریدی نال جمہوریہ آذربائیجان دے وزیرِ انصاف فرید احمدوف دی قیادت اچ ہک اعلیٰ سطحی وفد ملاقات کیتی۔وفد اچ جمہوریہ آذربائیجان دی وزارتِ انصاف دے ڈائریکٹر جنرل بین الاقوامی تعاون عادل ابیلوف تے اسلام آباد اچ آذربائیجان دے سفارت خانے دے فرسٹ سیکریٹری سمیر احمدعلی شامل ہن۔ وفاقی وزیر قانون و انصاف …
چیف جسٹس آف پاکستان جسٹس یحییٰ آفریدی نال جمہوریہ آذربائیجان دے وزیرِ انصاف دی سربراہی اچ اعلیٰ سطحی وفد دی ملاقات
مزید خبراں
اسلام آباد۔ 14 مئی (اے پی پی) سپریم کورٹ آف پاکستان اچ چیف جسٹس آف پاکستان جسٹس یحییٰ آفریدی نال جمہوریہ آذربائیجان دے وزیرِ انصاف فرید احمدوف دی قیادت اچ ہک اعلیٰ سطحی وفد ملاقات کیتی۔وفد اچ جمہوریہ آذربائیجان دی وزارتِ انصاف دے ڈائریکٹر جنرل بین الاقوامی تعاون عادل ابیلوف تے اسلام آباد اچ آذربائیجان دے سفارت خانے دے فرسٹ سیکریٹری سمیر احمدعلی شامل ہن۔ وفاقی وزیر قانون و انصاف سینیٹر اعظم نذیر تارڑ وی ملاقات دے دوران وفد دے رلے موجود ہن۔ ملاقات اچ عدالتی تعاون، قانون دی حکمرانی، ادارہ جاتی اصلاحات تے انصاف ݙیوݨ دے نظام کوں بہتر بݨاوݨ سودھے سانجھی دلچسپی دے مختلف معاملیں تے تفصیلی ڳالھ مہاڑ کیتی۔ݙوہیں فریقین عدالتی تربیت، عدالتاں دی ڈیجیٹلائزیشن، متبادل تنازعہ حل (ADR) دے نظام تے عدالتی انتظامیہ اچ بہترین بین الاقوامی طریقے دے تبادلے تے وی اتفاق کیتا۔ چیف جسٹس آف پاکستان ملک اچ جاری عدالتی اصلاحات دا وفد کوں ݙسایا تے ٹیکنالوجی دے موثر استعمال، عدالتی استعداد کار اچ ودھارے تے انصاف دی وقتی فراہمی کیتے چاتے ڳئے اقدامات تے روشنی پاتی۔وفد دے سربراہ فرید احمدوف قانون دی حکمرانی دے ودھارے اچ پاکستان دی عدلیہ دے کردار دی تعریف کریندے عدالتی تعاون، قانونی تحقیق تے ادارہ جاتی ترقی دے شعبیں اچ ݙوہائیں پاسوں دے رابطے ودھاوݨ اچ دلچسپی دا اظہار کیتا۔ انھاں پاکستان تے آذربائیجان وچال تعلقات تے علاقائی تعاون دے ودھارے کیتے پاکستان دی مسلسل حمایت کوں وی قابلِ تحسین قرار ݙتا۔ ملاقات دے چھیکڑ تے یادگاری تحائف دا تبادلہ کیتا ڳیا تے ݙوہیں ملکاں قانون و انصاف دے شعبے اچ ادارہ جاتی رابطے، تبادلہ پروگرامز تے شراکت داری کوں ٻیا مستحکم بݨاوݨ دے عزم دا اعادہ کیتا اےتھیسی۔
