وزیرِ داخلہ محسن نقوی دی فتح 4 گراؤنڈ لانچڈ کروز میزائل دے کامیاب تربیتی تجربے تے قوم کوں مبارخ

اسلام آباد۔ 14 مئی (اے پی پی) وفاقی وزیرِ داخلہ محسن نقوی مقامی طور تے تیار کیتے ڳئے فتح 4 گراؤنڈ لانچڈ کروز میزائل دے کامیاب تربیتی تجربے تے قوم کوں مبارخ ݙیندے ہوئیں آکھیے جو پاکستان دا دفاع ناقابلِ تسخیر اے۔وزارتِ داخلہ توں جاری بیان موجب محسن نقوی آکھیا کامیاب تجربہ آرمی راکٹ فورس کمانڈ دے سائنسداناں تے انجینئرز دا قابلِ تحسین کارنامہ اے، فتح 4 کروز میزائل دا کامیاب تجربہ دفاعی شعبے اچ ہک اہم پیش رفت اے۔ انھاں آکھیا سائنسداناں تے انجینئرز کوں مبارخ ݙینداں، سائنسداناں تے انجینئرز تے ماݨ اے، پاکستان دا دفاع ناقابلِ تسخیر اے۔