نائب وزیراعظم و وزیر خارجہ اسحاق ڈار نال امریکہ دے معاون وزیر خارجہ پال کپور دی ملاقات

اسلام آباد۔ 14 مئی (اے پی پی) نائب وزیراعظم و وزیر خارجہ سینیٹر محمد اسحاق ڈار نال امریکہ دے معاون وزیر خارجہ جنوبی و وسطی ایشیائی امور پال کپور ملاقات کیتی تے ݙو پاسہ تعلقات تے علاقائی صورتحال تے ڳالھ مہاڑ کیتی۔دفترِ خارجہ توں جاری بیان موجب نائب وزیراعظم و وزیر خارجہ سینیٹر محمد اسحاق ڈار صدر ٹرمپ دے امن دے وژن، ایران۔امریکہ جنگ بندی توں متعلق مفاہمت تے امریکی نائب صدر جے ڈی وینس دے 11 توں 12 اپریل 2026 ء پاکستان دے دورے کوں چنڳاں آکھیا۔ انھاں مسئلیں دے حل کیتے پاکستان دے مکالمے تے سفارتکاری تے مبنی موقف دے عزم دا اعادہ کیتا۔ انھاں پاکستان تے امریکہ دے تعلقات اچ موجودہ مثبت پیشرفت تے اطمینان دا اظہار کریندے ݙوہائیں ملکاں وچال ودھدے رابطیں تے مختلف شعبیں اچ تعاون دے ودھارے دا خیرمقدم کیتا۔انھاں اعلیٰ سطح دے باقاعدہ تبادلیں تے مسلسل منظم مذاکرات دی اہمیت تے وی زور ݙتا۔ ایں موقع تے معاون وزیر خارجہ پال کپور علاقائی ثالثی اچ پاکستان دے کردار دی تعریف کیرندے ݙو پاسہ تعلقات دی مثبت سمت دا ذکر کیتا۔ ݙوہیں پاسوں تجارت، سرمایہ کاری تے ترقی دے شعبیں اچ تعاون کوں ٻیا تکڑابݨاوݨ تے اتفاق کیتا ڳیا۔