وفاقی وزیرِ تجارت جام کمال خان نال آل پاکستان بیڈ شیٹس اینڈ اپہولسٹری ایسوسی ایشن دے وفد دی ملاقات

اسلام آباد۔ 15 مئی (اے پی پی) وفاقی وزیرِ تجارت جام کمال خان نال آل پاکستان بیڈ شیٹس اینڈ اپہولسٹری ایسوسی ایشن دے ہک وفد تفصیلی ملاقات کیتی جیندے اچ اے پی بی یو ایم اے (APBUMA) دے برآمدی معاملیں تے ڳالھ مہاڑ کیتی ڳئی۔ مارکیٹنگ، برانڈنگ تے پروموشن، بین الاقوامی مارکیٹ تئیں رسائی، تجارتی فنانسنگ تے چھوٹے تے درمیانے درجے دے کاروباری اداریں کوں درپیش اہم مسئلیں تے وی ڳالھ مہاڑ کیتی ڳئی۔وفد اچ سابق چیئرمین عارف احسان ملک، وائس چیئرمین شہزاد حسین، ایگزیکٹو ممبر شہزاد احمد، صداقت لمیٹڈ توں اویس مختار، اے بی ایکسپورٹ توں محمد احمد، سیکرٹری جنرل راؤ دلشاد تے میس فرینکفرٹ پاکستان دفتر توں کلیم بیگ شامل ہن۔ وفد وفاقی وزیر کوں بین الاقوامی منڈیاں اچ پاکستان دے ایس ایم ایز دے قدماں کوں ودھاوݨ تے تجارت دے ودھارے دے اقدامات دے ذریعے برآمدات اچ ودھارے کیتے ایسوسی ایشن دی جاری کوششاں دے بارے اچ ݙسایا۔ انھاں آکھیا اے پی بی یو ایم اے دی 15 رکنی کمپنیاں لاس اینجلس اچ 21 توں 23 جولائی 2026 تئیں تھیوݨ آلی ہوم ٹیسٹائل سورسنگ نمائش اچ پاکستان دے پویلین دے ذریعے شرکت کریندیاں پئن، جیندے کیتے ایسوسی ایشن وفاقی وزیر توں درخواست کیتی او ایں ایونٹ دی سرپرستی کرن تے ٹارگٹ پروڈکٹ کوں ودھاراݙیوݨ کیتے کاروبار کوں اڳوں ودھاون۔ وفد آکھیا جو کمپنیاں ایں نمائش اچ اپݨے وسیلیں دے ذریعے پاکستان دی گھریلو ٹیکسٹائل برآمدات کوں ودھارا ݙیوݨ، غیر ملکی خریداراں کوں راغب کرݨ تے بین الاقوامی تجارتی رابطیں کوں مضبوط بݨاوݨ کیتے نجی شعبے دی زیرِ قیادت کوششاں دے حصے دے طور تے شرکت کریندیاں پئن۔وزیرِ تجارت یقین ݙوایا امریکہ اچ تعینات پاکستان دے تجارتی تے سرمایہ کاری آفیسرز لاس اینجلس اچ ہوم ٹیکسٹائل نمائش اچ شرکت کرݨ آلے اے پی بی یو ایم اے دے ممبران کوں عالمی برانڈز تے ریٹیلرز دے نال بامعنی تعاون کیتے مناسب سہولت ݙیسن۔ جام کمال خان پرائیویٹ سیکٹر دی فعال کوششاں دی تعریف کریندے تسلیم کیتا بین الاقوامی نمائشاں تے غیر ملکی خریداراں دے نال براہِ راست رابطے عالمی منڈیاں اچ ملکی برانڈنگ کوں بہتر بݨاوݨ تے پاکستان دی برآمدات کوں ودھاوݨ کیتے ضروری ہتھکنڈے ہن۔ انھاں نویاں منڈیاں کوں فعال طور تے تلاش کرݨ تے بامعنی بین الاقوامی کاروباری رابطے قائم کرݨ دی اہمیت تے ٻیا زور ݙتا۔ انھاں آکھیا پاکستانی برآمد کنندگان مسلسل عالمی پلیٹ فارمز تے خود کوں ثابت کیتے تے صنعت دی حوصلہ افزائی کیتی اے جو او موجودہ تے نویاں منڈیاں اچ زیادہ رسائی کیتے ایں رفتار کوں برقرار رکھن