آئی 12 سیکٹر دی ڈویلپمنٹ دا 97 فیصد کم مکمل اے، الاٹیز کوں قبضہ آندے 8 توں 10 ہفتے اچ ݙے ݙتا ویسی، طلال چوہدری

اسلام آباد۔ 15 مئی (اے پی پی) وزیرِ مملکت داخلہ طلال چوہدری قومی اسمبلی کوں ݙسائے آئی 12 سیکٹر دی ڈویلپمنٹ دا 97 فیصد کم مکمل اے، الاٹیز کوں قبضہ آندے 8 توں 10 ہفتے اچ ݙے ݙتا ویسی۔قومی اسمبلی اچ نتاشہ دولتانہ تے ٻئے دے وفاقی ترقیاتی ادارے (سی ڈی اے) دی طرفوں آئی 12 سیکٹر اچ پلاٹاں دا قبضہ ݙیوݨ اچ غیر معمولی تاخیر متعلق توجہ کراؤ نوٹس دا جواب ݙیندے وزیرِ مملکت داخلہ ݙسایا آئی 12 سیکٹر اچ کافی عرصے توں ترقیاتی کم تھیندا پئے، ایں ویلھےایں تے 97 فیصد کم مکمل تھی ڳئے۔ الاٹیز کوں قبضہ ݙیوݨ دا مرحلہ آندے کجھ ہفتے اچ شروع تھیسی۔نتاشہ دولتانہ دے سوال دے جواب اچ انھاں ݙسایا مویشی منڈیاں ہمیشہ عید الاضحیٰ تے آبادی توں پرے تے جتھاں سیکیورٹی مہیا ݙتی ونڄ سڳے اتھاں عارضی طور تے لاتیاں ویندین۔ ایں سیکٹر اچ الاٹیاں کوں قبضہ اٹھ توں 10 مہینے اچ مل ویسی۔ تاخیر دیاں مختلف وجوہات اچ مالکان کوں معاوضے دی ادائیگی سودھے ٻئی وجہ شامل ہن۔ انھاں ݙسایا 5 ہزار توں زیادہ پلاٹ قبضے سانڳے تیار ہن۔