وفاقی وزیرداخلہ نال امریکہ دے اسسٹنٹ وزیرخارجہ جنوبی و وسطی ایشیائی امور ایس پال کپور دی ملاقات

اسلام آباد۔ 15 مئی (اے پی پی) وفاقی وزیر داخلہ محسن نقوی نال امریکہ دے اسسٹنٹ وزیر خارجہ جنوبی و وسطی ایشیائی امور ایس پال کپور ملاقات کیتی جیندے اچ پاک امریکہ تعلقات تے مشرقِ وسطیٰ دی تازہ ترین صورتحال تے ڳالھ مہاڑ کیتی ڳئی جݙاں جو سکیورٹی، انسدادِ دہشت گردی تے انسدادِ منشیات دے شعبیں اچ اشتراکِ کار ودھاوݨ تے ڳالھ مہاڑ تھئی۔ ایں موقع تے قائم مقام امریکی سفیر نیٹلی بیکر، وزیرِ مملکت داخلہ طلال چوہدری تے وفاقی سیکرٹری داخلہ وی موجود ہن۔وفاقی وزیر داخلہ محسن نقوی آکھیا جو صدر ٹرمپ دے دور اچ پاک امریکہ تعلقات ٻئے تکڑے تھئن۔ بلاشبہ پاک امریکہ تعلقات سانجھے اعتماد تے ݙو پاسہ تعاون تے مبنی ہن۔ انھاں آکھیا ریکوڈک منصوبے تے کم کرݨ آلی امریکی کمپنیاں دی فول پروف سکیورٹی کوں یقینی بݨایا ڳئے۔ وفاقی وزیر داخلہ محسن نقوی آکھیا پاکستان تے امریکہ وچال براہِ راست پروازاں دا جلدی آغاز چاہندوں. انھاں مزید آکھیا مشرقِ وسطیٰ دے جھیڑے دے دیرپا تے پُرامن حل کیتے پرامید ہیسے۔ امریکی اسسٹنٹ وزیرخارجہ خطے اچ امن و استحکام کیتے پاکستان دے کردار دی تعریف کیتی۔