مچھی تے سمندری خوراک دی برآمدات پہلی وار 500 ملین ڈالر دا سنگِ میل عبور کرڳئن، جنید انور چوہدری

اسلام آباد۔ 16 مئی (اے پی پی) وفاقی وزیر بحری امور محمد جنید انور چوہدری آکھیے مچھی تے فشریز مصنوعات دی برآمدات پہلی واری 500 ملین ڈالر توں تجاوز کر ڳئن تے اینکوں میری ٹائم سیکٹر تے بلیو اکانومی کیتے ہک تاریخی کامیابی قرار ݙتے۔وزارتِ بحری امور توں جاری اعلامیے موجب وفاقی وزیر آکھیا حکومت دا اڄوکے مالی سال کیتے 500 ملین ڈالر دا ہدف سال دے اختتام توں 46 ݙینہہ پہلے ہی حاصل تھی ڳیا ہئی۔ انھاں ایں سنگِ میل کوں حکومتی اصلاحات، بہتر سہولت کاری تے نویاں منڈیاں اچ توسیع دا نتیجہ قرار ݙتے جیندے دا مقصد سمندری معیشت کوں مضبوط بݨاوݨ تے برآمدی صلاحیت کوں ودھاوݨ اے۔ جنید چوہدری وزارتِ سمندری امور، میرین فشریز ڈیپارٹمنٹ تے ٻئے اسٹیک ہولڈرز دی طرفوں معیار کوں بلند کرݨ، ماہی گیری دے شعبے کوں جدید بݨاوݨ تے بین الاقوامی منڈی تائیں رسائی کوں بہتر بݨاوݨ کیتے مشترکہ کوششاں دی تعریف کیتی۔ انھاں میرین فشریز بورڈ دے ڈائریکٹر جنرل ڈاکٹر منصور وسان تے انھاں دی ٹیم کوں مقررہ ویلھے توں پہلے ہدف پورا کرݨ تے وی تعریف کیتی۔اڄوکے فیدے تے روشنی پیندے وزیر آکھیا جو پاکستانی مچھی تے سمندری غذا کوں پہلی واری روسی مارکیٹ اچ داخل تھیوݨ دی منظوری ملی اے۔ ہݨ تئیں 16 پاکستانی کمپنیاں کوں روس کوں سمندری خوراک برآمد کرݨ دی اجازت ݙتی ڳئی اے۔ انھاں آکھیا روس تئیں رسائی یوریشین اکنامک یونین دی ٻیاں منڈیاں تئیں رسائی دی راہ ہموار کرسڳدی اے تے اندازہ لاتا ڳیا اے سالانہ سمندری غذا دی برآمدات 800 ملین ڈالر تئیں پڄ سڳدن، صرف روس کوں ابتدائی برآمدات توں تقریباً 300 ملین ڈالر دی آمدنی متوقع اے۔ جنید چوہدری مزید آکھیا سمندری غذا سمندری، ہوائی تے زمینی رستیں توں منتقل کیتی ویسی۔ انھاں آکھیا وسطی ایشیا کیتے زمینی گزرگاہواں قازقستان، ازبکستان تے ترکمانستان اچ ودھدی طلب دے درمیان سرمایہ کاری دے موقع ݙتن۔