ملک دے وکھو وکھ علاقیں اچ اندھاری گُھلݨ نال مینھ وسݨ دا امکان کجھ جہیں تے ڳڑھا وسݨ دا وی امکان اے۔محکمہ موسمیات

اسلام آباد۔ 16 مئی (اے پی پی): آندے 24 گھنے دے دوران خیبر پختونخوا، پنجاب، شمالی بلوچستان، گلگت بلتستان تے کشمیر اچ کہیں کہیں جاہ تے اندھاری تے کھمݨ گاجاں نال مینھ جݙاں جو کجھ جہیں تے ڳڑھا وسݨ دا وی امکان اے ، ملک دے ٻئے علاقیں اچ موسم گرم تے رُکھا رہسی۔محکمہ موسمیات موجب گزریل 24 گھنٹے دے دوران پنجاب، کشمیر، اُتلے /تلویں خیبرپختونخوا تے بارکھان اچ تکھی ہوا تے کھمݨ گاجاں نال مینھ وٹھا۔ ملک دے ٻئے علاقیں اچ موسم گرم تے رُکھا رہیا جݙاں جو جنوبی اضلاع اچ ودھ گرم رہیا ۔ ساریں توں ودھ مینھ پنجاب اچ جہلم 13، نور پور تھل 08، فیصل آباد 07، کروڑ (لیہ) 05، حافظ آباد 04، جھنگ 03، لاہور ائیرپورٹ، گوجرانوالہ، بہاولپور سٹی، قصور 02، جوہرآباد، نارووال، کوٹ ادو، شیخوپورہ، مری 01 ملی میٹر ریکارڈ کیتی ڳئی۔ کشمیر: راولاکوٹ 09، گڑھی دوپٹہ 07، کوٹلی 05، مظفرآباد (ائیرپورٹ 04، سٹی 03)۔ خیبرپختونخوا: پٹن 08، پارا چنار 07، ڈی آئی خان (ائیرپورٹ 04، سٹی 01)۔ بلوچستان: بارکھان اچ 01 ملی میٹر مینھ ریکارڈ کیتا ڳئے۔چھݨ چھݨ وار کوں ریکارڈ کیتے ڳئے ودھ توں ودھ درجہ حرارت: سبی 46، نوکنڈی 43، جیکب آباد، نواب شاہ، تربت تے مٹھی اچ 42 ڈگری سینٹی گریڈ ریکارڈ کیتا ڳئے۔