صدرِ مملکت آصف علی زرداری دی ناروے دی قیادت کوں یومِ آئین تے مبارخ

اسلام آباد۔ 17 مئی (اے پی پی) صدرِ مملکت آصف علی زرداری ناروے دی قیادت کوں یومِ آئین تے مبارخ ݙتی اے۔ ایوانِ صدر دے پریس ونگ توں جاری بیان موجب صدرِ مملکت ناروے دے شاہ ہیرالڈ پنجم، حکومت تے عوام کوں یومِ آئین تے مبارخ دا پیغام ݙتے۔صدر آصف زرداری آکھیا پاکستان تے ناروے وچال دوستانہ تعلقات نہ صرف پروان چڑھدے پئن اے سانجھے رابطے، جنھاں کوں ناروے اچ رہݨ آلی متحرک پاکستانی برادری دی موجودگی توں مزید تقویت ملدی اے، مسلسل ودھدے رہسن ۔ صدرِ مملکت ناروے دے عوام دے امن، ترقی تے خوشحالی کیتے اپݨیاں مخلصانہ خواہشات دا اظہار کیتا۔