وفاقی وزیر صحت مصطفیٰ کمال ورلڈ ہیلتھ اسمبلی دے اجلاس اچ شرکت کیتے جنیوا پُڄ ڳئن

اسلام آباد۔ 17 مئی(اے پی پی) وفاقی وزیرِ صحت مصطفیٰ کمال ورلڈ ہیلتھ اسمبلی دے اجلاس اچ شرکت کیتے جنیوا پُڄ ڳئن۔ ترجمان وزارتِ صحت توں جاری بیان موجب وفاقی وزیر ورلڈ ہیلتھ اسمبلی دے اجلاس اچ پاکستان دی نمائندگی کریسن، صحت دے شعبے اچ اہم قومی ترجیحات تے اصلاحات کوں عالمی برادری دے سامݨے پیش کریسن۔ترجمان وزارتِ صحت موجب اے اہم اجلاس 18 توں 23 مئی 2026 دے دوران عالمی ادارہِ صحت دے زیرِ اہتمام منعقد تھیندا پئے، جیندے اچ دنیا دے رکن ملکاں صحت متعلق پالیسیاں، بجٹ تے ترجیحات تے غور و خوض کریندن، وفاقی وزیر یونیورسل ہیلتھ کوریج تے ڈیجیٹل ہیلتھ بارے پاکستان دے مؤقف کوں مؤثر انداز اچ اڳونہاں کریسن۔