وفاقی وزیرڈاکٹر طارق فضل دی پی ٹی آئی کوں مثبت کردار کیتے پارلیمانی اداریں اچ واپس آوݨ دی دعوت

اسلام آباد۔ 17 مئی (اے پی پی) وفاقی وزیر پارلیمانی امور ڈاکٹر طارق فضل چوہدری پاکستان تحریکِ انصاف کوں پارلیمانی کمیٹیاں اچ واپس آتے مثبت کردار ادا کرݨ دی دعوت ݙیندے آکھیے بجٹ سازی دے عمل اچ استعفیں توں پہلے اپوزیشن تعمیری کردار ادا کیتا۔ اسلام آباد اچ میڈیا نال ڳالھ کریندے انھاں آکھیا بجٹ متعلق پچھلے اجلاساں اچ اپوزیشن ارکان دا رویہ مثبت رہیا تے انھاں بجٹ معاملات دا باریک بینی نال جائزہ ڳھدا۔ انھاں دا آکھݨ ہئی حکومت وی اپوزیشن دیاں تجویزاں کوں سنجیدگی تے مثبت انداز اچ ڳھدا جݙاں جو نوجوان پارلیمنٹیرینزاسامہ میلہ تے مبین عارف دی پارلیمانی کمیٹیاں اچ کارکردگی قابلِ ستائش رہی۔ڈاکٹر طارق فضل چوہدری آکھیا پی ٹی آئی دے اندر کجھ قائمہ کمیٹیاں دے چیئرمیناں دی تقرری تے اختلافات موجود ہن جنھاں اچ بنیادی جھیڑا پبلک اکاؤنٹس کمیٹی دے چیئرمین جنید اکبر خان دے معاملے تے ہئی۔ انھاں آکھیا اگرچہ پارٹی قیادت انھاں معاملات کوں میڈیا اچ نظریاتی اختلافات دے طور تے پیش کرݨ دی کوشش کیتی تاں جو حقیقت اچ اے اندرلے جماعتی اختلافات ہن۔ انھاں آکھیا ہک مخصوص گروپ بانی پی ٹی آئی کوں استعفے ݙیوݨ تے آمادہ کیتا تاں جو جنید اکبر کوں ہٹایا ونڄ سڳے۔وفاقی وزیر آکھیا قائمہ کمیٹیاں توں استعفیں دے بعد اپوزیشن کنے ہݨ کوئی مؤثر پوزیشن کائنی رہی۔ انھاں آکھیا قائمہ کمیٹیاں دی کارروائی دا بائیکاٹ کرتے اپوزیشن خود کوں بجٹ عمل توں انڄ کرݙتے تے اے ݙیکھݨ باقی اے جواو پارلیمنٹ دے اندر اڳوں کیاحکمتِ عملی اختیار کریندی اے۔