اسلام آباد۔ 18 مئی (اے پی پی) وزیراعظم محمد شہباز شریف آکھیا جو بہتر کارکردگی آلی وزارتوں کوں ترقیاتی منصوبیاں کیتے ترجیحی بنیاداں تے بجٹ فراہم کیتا ویسی، ایجھے ترقیاتی منصوبیاں اچ عوام دا پیسہ لیسوں جنھاں دے نتائج یقینی ہووݨ، پاݨی دے ذخائر تے پن بجلی دے منصوبے ترقیاتی بجٹ خرچ کرݨ دی اولین ترجیحات اچ شامل ہن، پاݨی دے ذخائر کوں ودھاوݨ دے منصوبیاں کوں ترجیح ݙتی ویسی۔ …
بہتر کارکردگی آلی وزارتاں کوں ترقیاتی منصوبیاں کیتے ترجیحی بنیاداں تے بجٹ فراہم کیتا ویسی، وزیراعظم دی ترقیاتی بجٹ دے منصوبیاں تے جائزہ اجلاس اچ ڳالھ مہاڑ
مزید خبراں
اسلام آباد۔ 18 مئی (اے پی پی) وزیراعظم محمد شہباز شریف آکھیا جو بہتر کارکردگی آلی وزارتوں کوں ترقیاتی منصوبیاں کیتے ترجیحی بنیاداں تے بجٹ فراہم کیتا ویسی، ایجھے ترقیاتی منصوبیاں اچ عوام دا پیسہ لیسوں جنھاں دے نتائج یقینی ہووݨ، پاݨی دے ذخائر تے پن بجلی دے منصوبے ترقیاتی بجٹ خرچ کرݨ دی اولین ترجیحات اچ شامل ہن، پاݨی دے ذخائر کوں ودھاوݨ دے منصوبیاں کوں ترجیح ݙتی ویسی۔ سنوار کوں وزیراعظم آفس دے میڈیا ونگ توں جاری بیان دے مطابق وزیراعظم دی صدارت ایں سال دے ترقیاتی بجٹ تے آئندہ مالی سال کیتے ترقیاتی بجٹ (پی ایس ڈی پی) دے منصوبیاں تے جائزہ اجلاس تھیا۔ اجلاس اچ نائب وزیراعظم تے وزیر خارجہ سینیٹر محمد اسحاق ڈار، وفاقی وزرا احسن اقبال، احد خان چیمہ، محمد اورنگزیب، رانا تنویر حسین، شزا فاطمہ خواجہ، حنیف عباسی، سردار اویس خان لغاری، میاں محمد معین وٹو، عبدالعلیم خان، ڈاکٹر خالد مقبول صدیقی، وزیرِ مملکت بلال اظہر کیانی، معاونِ خصوصی ہارون اختر تے متعلقہ اعلیٰ حکام شرکت کیتی۔ وزیراعظم آکھیا جو بہتر کارکردگی آلی وزارتاں کوں ترقیاتی منصوبیاں کیتے ترجیحی بنیاداں تے بجٹ فراہم کیتا ویسی، ایجھے ترقیاتی منصوبیاں اچ عوام دا پیسہ لیسوں جنھاں دے نتائج یقینی ہووݨ۔ وزیراعظم آکھیا جو پاݨی دے ذخائر تے پن بجلی دے منصوبے ترقیاتی بجٹ خرچ کرݨ دی اولین ترجیحات اچ شامل ہن۔ وزیراعظم پانڈا بانڈز دے کامیاب اجرا تے ایں دی مارکیٹ اچ پذیرائی تے وزیرِ خزانہ دی تعریف کیتی۔ اجلاس اچ وزیراعظم ریلوے، آئی ٹی تے وزارتِ پاور دی کارکردگی کوں وی سراہیا۔ وزیراعظم آکھیا جو ترقیاتی منصوبیاں اچ پبلک پرائیویٹ پارٹنرشپ دی ودھ توں ودھ حوصلہ افزائی کیتی ونڄے۔ انھاں آکھیا جو پاݨی دے ذخائر کوں ودھاوݨ دے منصوبیاں کوں ترجیح ݙتی ویسی۔ اجلاس اچ ایں سال دے پی ایس ڈی پی تے جائزہ تے آئندہ برس دے مجوزہ ترقیاتی منصوبیاں تے انھاں کیتے درکار فنڈز تے تفصیلات نال آگاہ کیتا ڳیا۔ اجلاس کوں قومی نوعیت دے پاݨی ذخیرہ کرݨ تے پن بجلی دے منصوبیاں بشمول داسو، دیامر بھاشا تے مہمند ڈیمز دی تعمیر تے پیش رفت دا وی ݙسیا ڳئیا۔
