پاکستان گندھارا تہذیب دے عظیم ورثے دے تحفظ، ترویج تے آئندہ نسلاں تئیں منتقلی کیتے پُرعزم اے، اورنگزیب خان کھچی

اسلام آباد۔ 19 مئی (اے پی پی) وفاقی وزیر برائے قومی ورثہ تے ثقافت ڈویژن اورنگزیب خان کھچی آکھیے جو پاکستان دنیا دی اہم ترین بدھ تہذیبی مراکز اچوں ہک دے امین ہووݨ تے فخر محسوس کریندے اتے گندھارا تہذیب دے عظیم ورثے دے تحفظ، ترویج تے آئندہ نسلاں تائیں منتقلی کیتے پُرعزم اے۔ گندھارا تہذیب تے گوتم بدھ دی تعلیمات انسانیت کوں برداشت، بقائے باہمی، مکالمے تے امن دا سنیھا ݙیندن۔ قدیم گندھارا تہذیب، جیں دے آثار ٹیکسلا، سوات، پشاور، مردان تے چارسدہ اچ پھیلے ہوئن، بدھ تعلیمات، فن، تعمیرات تے فلسفے دے فروغ اچ تاریخی کردار ادا کیتا۔ او منگل کوں قائدِ اعظم یونیورسٹی دے ٹیکسلا انسٹی ٹیوٹ آف آرکیالوجی اینڈ سولائزیشنز اچ منعقدہ “پاکستان دے بدھ ورثے تے تریجھی بین الاقوامی کانفرنس” دی افتتاحی تقریب توں بطور مزمان خصوصی خطاب کریندے پئے ہن۔ وفاقی وزیر آکھیا جو اے کانفرنس محض ہک علمی فورم نئی بلکہ بین الثقافتی مکالمے، علمی تعاون تے عالمی ہم آہنگی دے فروغ کیتے ہک اہم پلیٹ فارم اے۔ انھاں قائدِ اعظم یونیورسٹی دے ہیومنسٹک بدھ ازم ریسرچ سینٹر تے تمام شراکت دار اداریاں کوں گندھارا تہذیب تے پاکستان دے بدھ ورثے دے تحفظ، تحقیق تے فروغ کیتے ایں اہم اجتماع دے انعقاد تے سراہیا۔انھاں آکھیا جو قدیم گندھارا تہذیب، جئیں دے آثار ٹیکسلا، سوات، پشاور، مردان تے چارسدہ اچ پھیلے ہوئن، بدھ تعلیمات، فن، تعمیرات تے فلسفے دے فروغ اچ تاریخی کردار ادا کیتا۔ انھاں دا آکھݨ ہئی جو گندھارا تہذیب جنوبی ایشیائی تے یونانی روایات دا ہک شاندار امتزاج ہئی اتے اے انسانیت دے مشترکہ ثقافتی ورثے دا بیش بہا حصہ اے۔ وفاقی وزیر آثارِ قدیمہ دے ماہرین، تحفظِ آثار دے ماہرین، جامعات، مقامی کمیونٹیز تے ثقافتی اداریاں دی خدمات کوں وی سراہیا جو انھاں قیمتی خزانیاں دے تحفظ کیتے کام کریندے پئن۔ انھاں ایں امید دا اظہار کیتا جو کانفرنس گندھارا تہذیب دے تحفظ، فروغ تے عالمی سطح تے شناخت کیتے مؤثر سفارشات پیش کریسی۔ وفاقی وزیر بین الاقوامی مندوبین کوں پاکستان آوݨ تے خوش آمدید آکھیندیں ہوئیں آکھیا جو اے کانفرنس علمی تعاون، ثقافتی دوستی تے اقوام وچال آپسی احترام کوں ٻیا فروغ ݙیسی۔کانفرنس اچ منیجنگ ڈائریکٹر اے پی پی عاصم کھچی اتے ایکٹنگ وائس چانسلر قائدِ اعظم یونیورسٹی ڈاکٹر ظفر نواز جسپال وی شریک ہن۔ شرکا گندھارا خطے دے اہم بدھ تاریخی مقامات دا دورہ وی کریسن۔ منتظمین 2022 تے 2024 اچ منعقدہ سابقہ کانفرنسوں کیتے قومی ورثہ تے ثقافت ڈویژن دے مسلسل تعاون کوں سراہندیں ہوئیں آکھیا جو وزارت دی حوصلہ افزائی پاکستان دے ثقافتی تے مذہبی ورثے کوں عالمی سطح تے اجاگر کرݨ اچ اہم کردار ادا کیتے۔ ایں توں پہلے وفاقی وزیر قائدِ اعظم یونیورسٹی اچ نویں کھلݨ آلے گندھارا سنٹر تے لائیبریری دا وی دورہ کیتا۔ انھاں لائیبریری اچ بدھ ازم تے کتاباں دا وی جائزہ گھدا اتے یونیورسٹی دے ایں اقدام کوں سراہیا۔