اسلام آباد۔ 19 مئی (اے پی پی) چیئرمین سینیٹ سید یوسف رضا گیلانی نرسنگ برادری، پیرا میڈیکل سٹاف تے شعبہِ صحت نال وابستہ سارے افراد کوں خراجِ تحسین پیش کریندیں ہوئیں آکھیا جو تعلیم تے صحت میݙے دل دے قریب ترین شعبے ہن اتے ہک مضبوط، ترقی یافتہ تے خوشحال پاکستان کیتے معیاری صحت تے تعلیم دی فراہمی ضروری اے۔ نرسز دے عالمی ݙینہہ دی مناسبت نال تقریب توں خطاب …
چیئرمین سینیٹ دا نرسنگ برادری، پیرا میڈیکل سٹاف تے شعبہِ صحت نال وابستہ افراد کوں خراجِ تحسین
مزید خبراں
اسلام آباد۔ 19 مئی (اے پی پی) چیئرمین سینیٹ سید یوسف رضا گیلانی نرسنگ برادری، پیرا میڈیکل سٹاف تے شعبہِ صحت نال وابستہ سارے افراد کوں خراجِ تحسین پیش کریندیں ہوئیں آکھیا جو تعلیم تے صحت میݙے دل دے قریب ترین شعبے ہن اتے ہک مضبوط، ترقی یافتہ تے خوشحال پاکستان کیتے معیاری صحت تے تعلیم دی فراہمی ضروری اے۔ نرسز دے عالمی ݙینہہ دی مناسبت نال تقریب توں خطاب کریندیں ہوئیں انھاں آکھیا جو پاکستان دے ہسپتالاں دا معیار ایجھا ہووݨا چاہیدے جو شہریاں کوں علاج دی غرض نال ٻاہرلے ملک ونڄݨ دی لوڑھ نہ پووے۔ انھاں آکھیا جو ملتان اچ مختیار ہسپتال دا قیام صحت دی بہترین سہولیات فراہم کرݨ کیتے بݨایا ڳئے ۔ تقریب دا اہتمام معروف انٹرنیشنل ہسپتال تے موون پک ہوٹل سینٹارس دی سانجھ نال کیتا ڳئیا ہئی۔چیئرمین سینیٹ ایں امر تے اطمینان دا اظہار کیتا جو پاکستان نرسنگ اینڈ مڈوائفری کونسل بل 2026 تے دستخط کیتے تھی ڳئن جئیں نال نرسنگ دے تعلیمی تے پیشہ ورانہ معیار کوں عالمی سطح دے مطابق استوار کرݨ اچ مدد ملسی۔ انھاں آکھیا جو نرسنگ کمیونٹی کوں بہتر ورکنگ ماحول، مساوی مواقع تے پیشہ ورانہ ترقی دے وسیع امکانات فراہم کرݨا ریاست دی ذمہ واری اے۔چیئرمین سینیٹ سید یوسف رضا گیلانی آکھیا جو ملتان اچ مختیار شیخ ہسپتال دا قیام عوام کوں بہتر طبی سہولیات فراہم کرݨ دی ہک اہم کوشش اے اتے ایں طرز دے جدید تے معیاری طبی مراکز ملک بھر اچ قائم کیتے وݨجݨے چاہیدن۔ چیئرمین سینیٹ عالمی یومِ نرسز دے موقع تے ہک واری ولا نرسنگ برادری دی قومی خدمات، جذبہِ ایثار تے انسان دوستی کوں خراجِ تحسین پیش کریندیں ہوئیں آکھیا جو قوم آپݨے انھاں محسناں دی قربانیاں کوں ہمیشہ قدر دی نگاہ نال ݙیکھدی رہسی۔
