کوئٹہ۔ 19 مئی (اے پی پی) وزیر اعظم محمد شہباز شریف ہر قسم دی مہم جوئی دے خلاف پاکستان دی خودمختاری تے علاقائی سالمیت دے دفاع دے عزم دا اعادہ کریندیں ہوئیں قومی خودمختاری دے تحفظ تے ملک اچ امن تے استحکام کیتے مسلح افواج دی پیشہ ورانہ صلاحیت، عملی تیاری تے قربانیاں کوں سراہے۔ منگل کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز …
وزیراعظم محمد شہباز شریف دا کمانڈ اینڈ سٹاف کالج کوئٹہ دا دورہ، ہر قسم دی مہم جوئی دے خلاف پاکستان دی خودمختاری تے علاقائی سالمیت دے دفاع دا عزم
مزید خبراں
کوئٹہ۔ 19 مئی (اے پی پی) وزیر اعظم محمد شہباز شریف ہر قسم دی مہم جوئی دے خلاف پاکستان دی خودمختاری تے علاقائی سالمیت دے دفاع دے عزم دا اعادہ کریندیں ہوئیں قومی خودمختاری دے تحفظ تے ملک اچ امن تے استحکام کیتے مسلح افواج دی پیشہ ورانہ صلاحیت، عملی تیاری تے قربانیاں کوں سراہے۔ منگل کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف کمانڈ اینڈ سٹاف کالج کوئٹہ دا دورہ کیتا اتے فیکلٹی و زیرِ تربیت افسران توں خطاب کیا۔ وزیراعظم قومی خودمختاری دے تحفظ تے ملک اچ امن تے استحکام یقینی بݨاوݨ اچ پاکستان دی مسلح افواج دی پیشہ ورانہ صلاحیت، عملی تیاری تے قربانیاں کوں سراہیا۔ انھاں شہدا کوں خراجِ عقیدت پیش کریندیں ہوئیں مادرِ وطن دے دفاع کیتے مسلح افواج دے غیر متزلزل عزم کوں سلام پیش کیتا۔ وزیراعظم معرکہِ حق دا حوالہ ݙیندیں ہوئیں فیلڈ مارشل سید عاصم منیر دی قیادت اچ پاکستان دی مسلح افواج دی تاریخی کامیابی کوں خراجِ تحسین پیش کیتا۔ انھاں بھارت دی بلااشتعال تے متکبرانہ جارحیت دے مقابلے اچ پاکستان دے ذمہ دارانہ طرزِ عمل تے کشیدگی تے قابو رکھݨ دی پالیسی کوں سراہندیں ہوئیں آکھیا جو پاکستان دے بالغ نظر، دانشمندانہ تے منصفانہ موقف کوں عالمی برادری وی تسلیم کیتا۔ وزیراعظم ہر قسم دی مہم جوئی دے خلاف پاکستان دے آپݨی خودمختاری تے علاقائی سالمیت دے دفاع دے عزم دا اعادہ وی کیتا۔ وزیراعظم آکھیا جو آپریشن غضب للحق پوری قوت تے عزم دے نال جاری اے تانجو افغان طالبان نال وابستہ دہشت گرد پراکسیز دے خلاف معصوم شہریوں دی جان و مال دا تحفظ یقینی بݨایا ونڄ سڳے اتے دہشت گردوں دے ٹکاݨیاں تے معاونت فراہم کرݨ آلے ڈھانچوں کوں سخت سزا ݙتی ونڄ سڳے۔ انھاں جموں و کشمیر تے فلسطین دے عوام کیتے پاکستان دی غیر متزلزل حمایت دا وی اعادہ کیا۔ دوست ملکاں دے طلبہ افسران دی موجودگی کوں سراہندیں ہوئیں وزیراعظم عسکری سفارتکاری تے آپسی تعاون دی اہمیت تے زور ݙتا اتے خطے تے ایں توں ٻاہر امن، استحکام تے ترقی دے فروغ کیتے پاکستان ولوں بطور نیٹ ریجنل سٹیبلائزر کیتے ڳئے اقدامات کوں اجاگر کیتا۔ وزیرِ دفاع، وفاقی وزیرِ داخلہ تے وفاقی وزیرِ اطلاعات و نشریات دے علاوہ وزیراعلٰی بلوچستان وی وزیراعظم دے نال ہن۔ ایں توں پہلے کمانڈ اینڈ سٹاف کالج کوئٹہ پجݨ تے چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر وزیراعظم دا خیر مقدم کیتا۔
