سکیورٹی فورسز دا شمالی وزیرستان اچ انٹیلی جنس بیسڈ آپریشن، بھارتی حمایت یافتہ فتنہ الخوارج دے 22 دہشت گرد ہلاک، آئی ایس پی آر

راولپنڈی۔ 19 مئی (اے پی پی) سکیورٹی فورسز ضلع شمالی وزیرستان اچ خوارج دے ٹکانیاں کوں موثر انداز اچ نشانہ بݨایا تے شدید فائرنگ دے تبادلے دے بعد گزشتہ چووی گھنٹیاں اچ بھارتی حمایت یافتہ فتنہ الخوارج دے 22 دہشت گرداں کوں ہلاک کر ݙتا۔ منگل کوں پاک فوج دے شعبہِ تعلقاتِ عامہ (آئی ایس پی آر) توں جاری بیان دے مطابق مصدقہ انٹیلی جنس دی بنیاد تے خوارج دی موجودگی دے حوالے نال 17 مئی توں ضلع شمالی وزیرستان دے علاقے شیوہ اچ سکیورٹی فورسز ولوں علاقے کوں کلیئر کرݨ کیتے آپریشن جاری اے۔ آپریشن دے دوران سکیورٹی فورسز خوارج دے ٹکاݨیاں کوں موثر انداز اچ نشانہ بݨایا تے شدید فائرنگ دے تبادلے دے بعد گزشتہ چووی گھنٹیاں اچ بھارتی سرپرستی اچ کام کرݨ آلے فتنہ الخوارج دے 22 دہشت گردوں کوں ہلاک کر ݙتا۔ ہلاک ہووݨ آلے بھارتی حمایت یافتہ خوارج توں اسلحہ تے گولہ بارود وی برآمد کیتا ڳیا، اے دہشت گرد علاقے اچ متعدد دہشت گرد کارروائیاں اچ سرگرم رہے ہن۔ ایں وقت کلیئرنس آپریشن جاری اے تے سکیورٹی فورسز علاقے دا موثر محاصرہ کر رکھیے۔ شواہد توں ٻیا اے وی ثابت تھیندے جو خوارج مقامی آبادی کوں خوفزدہ تے زبردستی اپݨی مرضی دے مطابق استعمال کیتا تانجومحفوظ راستہ حاصل کیتا ونڄ سڳے تے انھاں کوں انسانی ڈھال دے طور تے استعمال کیتا ونڄ سڳے۔ آئی ایس پی آر ایجھے اقدامات دی سخت الفاظ اچ مذمت کریندے ہوئیں آکھیے جو عوام ولوں خطرے اچ سٹݨ دے ایں عمل دا کوئی جواز پیش نئی کیتا ونڄ سڳدا۔ علاقے اچ لُکیے ہوئے خوارج دے مکمل خاتمے تائیں کلیئرنس آپریشن جاری رہسی جݙاں جو سکیورٹی فورسز تے پاکستان دے قانون نافذ کرݨ آلے ادارے وفاقی ایپکس کمیٹی دے منظور شدہ نیشنل ایکشن پلان دے تحت وژن ’’عزمِ استحکام‘‘ دے مطابق غیر ملکی حمایت یافتہ دہشت گردی دے ناسور کوں ملک توں مکمل طور تے ختم کرݨ کیتے آپݨی بھرپور انسدادِ دہشت گردی مہم جاری رکھیسن۔