اسلام آباد۔ 20 مئی (اے پی پی) وزیراعظم محمد شہباز شریف نال وزیر برائے وفاقی تعلیم تے کنوینئر ایم کیو ایم خالد مقبول صدیقی دی قیادت اچ متحدہ قومی موومنٹ دے وفد ملاقات کیتی تے آندے وفاقی بجٹ دے حوالے نال ایم کیو ایم ولوں تجاویز پیش کیتی۔ بدھ کوں وزیراعظم آفس دے میڈیا ونگ توں جاری بیان دے مطابق وفد اچ ایم کیو ایم دے رہنما ڈاکٹر فاروق ستار، …
وزیراعظم محمد شہباز شریف نال وفاقی وزیر خالد مقبول صدیقی دی قیادت اچ متحدہ قومی موومنٹ دے وفد دی ملاقات
مزید خبراں
اسلام آباد۔ 20 مئی (اے پی پی) وزیراعظم محمد شہباز شریف نال وزیر برائے وفاقی تعلیم تے کنوینئر ایم کیو ایم خالد مقبول صدیقی دی قیادت اچ متحدہ قومی موومنٹ دے وفد ملاقات کیتی تے آندے وفاقی بجٹ دے حوالے نال ایم کیو ایم ولوں تجاویز پیش کیتی۔ بدھ کوں وزیراعظم آفس دے میڈیا ونگ توں جاری بیان دے مطابق وفد اچ ایم کیو ایم دے رہنما ڈاکٹر فاروق ستار، ارکانِ قومی اسمبلی سید امین الحق تے جاوید حنیف شامل ہن۔ ملاقات اچ نائب وزیراعظم تے وزیرِ خارجہ سینیٹر محمد اسحاق ڈار تے مشیرِ وزیراعظم رانا ثناء اللہ وی موجود ہن۔ ملاقات اچ وفد وزیراعظم کوں آندے وفاقی بجٹ دے حوالے نال ایم کیو ایم ولوں تجاویز پیش کیتی۔ ملاقات اچ وفد وفاقی حکومت دے تحت سندھ تے کراچی اچ عوامی فلاحی منصوبیاں دے حوالے نال وی تفصیلی گفتگو کیتی۔ وزیراعظم آکھیا جو ایم کیو ایم وفاقی حکومت دی اہم اتحادی جماعت اے جئیں حکومت دا عوامی فلاح دے حوالے نال ہر اقدام اچ ساتھ ݙتا۔ وزیرِ اعظم متعلقہ حکام کوں ایم کیو ایم دی بجٹ تجاویز تے غور کرݨ تے ہک قابلِ عمل تے جامع لائحہ عمل مرتب کر تے پیش کرݨ دی ہدایت کیتی۔ ملاقات اچ ملکی سیاسی صورتحال تے وی ڳالھ مہاڑ کیتی ڳئی۔
