اسلام آباد۔ 21 مئی (اے پی پی) پاکستان گلوبل صمود فلوٹیلا توں انسانی ہمدردی دی بنیاد تے کم کرݨ آلے کارکناں کوں غیر قانونی طور تے حراست اچ گھنݨ تے انھاں نال بدسلوکی دی مذمت کیتی اے۔ خمیس کوں ترجمان دفترِ خارجہ ہک بیان اچ آکھیے جو حکومتِ پاکستان بین الاقوامی سمندری حدود اچ اسرائیلی قابض افواج ولوں گلوبل صمود فلوٹیلا کوں غیر قانونی طور تے روکݨ، انسانی ہمدردی دی …
پاکستان دی گلوبل صمود فلوٹیلا توں کارکناں کوں حراست اچ گھنݨ دے اسرائیلی اقدام دی مذمت، فوری رہائی دا مطالبہ
مزید خبراں
اسلام آباد۔ 21 مئی (اے پی پی) پاکستان گلوبل صمود فلوٹیلا توں انسانی ہمدردی دی بنیاد تے کم کرݨ آلے کارکناں کوں غیر قانونی طور تے حراست اچ گھنݨ تے انھاں نال بدسلوکی دی مذمت کیتی اے۔ خمیس کوں ترجمان دفترِ خارجہ ہک بیان اچ آکھیے جو حکومتِ پاکستان بین الاقوامی سمندری حدود اچ اسرائیلی قابض افواج ولوں گلوبل صمود فلوٹیلا کوں غیر قانونی طور تے روکݨ، انسانی ہمدردی دی بنیاد تے کم کرݨ آلے کارکناں کوں جبراً حراست اچ گھنݨ تے انھاں دے نال مبینہ بدسلوکی دی شدید ترین الفاظ اچ مذمت کریندی اے۔ زیرِ حراست افراد اچ پاکستان توں تعلق رکھݨ آلے سعد ایدھی وی مبینہ طور تے شامل ہن۔ پاکستان تمام غیر قانونی طور تے حراست اچ گھدے ڳئے کارکناں دی فوری رہائی دا مطالبہ کیتے تے عالمی برادری توں وی مطالبہ کیتے جو زیرِ حراست افراد دی سلامتی، وقار تے بنیادی حقوق کوں یقینی بݨایا ونڄے۔ بیان اچ آکھیا ڳیا جو دفترِ خارجہ سعد ایدھی دی محفوظ واپسی کوں یقینی بݨاوݨ کیتے اردن اچ پاکستانی سفارتخانے سمیت خطے اچ پاکستانی سفارتی مشنز نال مسلسل رابطے اچ اے۔
