وزیرِ اعظم شہباز شریف دا پرنس رحیم آغا خان پنجم دے اعزاز اچ ناشتہ، بین الاقوامی شراکت داراں دے نال تعمیری روابط دے فروغ اچ کردار کوں سراہیا

اسلام آباد۔ 21 مئی (اے پی پی) وزیرِ اعظم محمد شہباز شریف امن، استحکام تے حکومتاں تے بین الاقوامی شراکت داراں دے نال تعمیری روابط دے فروغ کیتے پرنس رحیم آغا خان پنجم دے کردار کوں سراہیندے ہوئیں اعلیٰ مقاصد کیتے پاکستان دے سانجھے عزم دا اعادہ کیتے۔ وزیرِ اعظم محمد شہباز شریف خمیس کوں اتھاں پرنس رحیم آغا خان پنجم دے پہلے سرکاری دورہِ پاکستان دے موقع تے انھاں دے اعزاز اچ ناشتے دی خصوصی تقریب دا اہتمام کیا۔ وزیراعظم آفس دے میڈیا ونگ توں جاری بیان دے مطابق وزیراعظم تقریب اچ پرنس رحیم آغا خان دا پرتپاک خیرمقدم کریندیں ہوئیں امن، استحکام تے حکومتاں تے بین الاقوامی شراکت داراں دے نال تعمیری روابط دے فروغ کیتے انھاں دے عزم کوں سراہیا۔ انھاں انھاں اعلیٰ مقاصد کیتے پاکستان دے مشترکہ عزم دا وی اعادہ کیا۔ وزیراعظم پاکستان تے آغا خان ڈیولپمنٹ نیٹ ورک (اے کے ڈی این) وچال دیریںہ شراکت داری کوں اجاگر کریندیں ہوئیں دیہی ترقی، صحت، تعلیم، قدرتی آفات نال نبڑݨ دی صلاحیت، ماحولیاتی تبدیلی نال مطابقت، قابلِ تجدید توانائی، ڈیجیٹل مہارتاں دی تربیت تے نوجواناں اچ کاروباری صلاحیتاں دے فروغ دے شعبیاں اچ اے کے ڈی این دی خدمات کوں خراجِ تحسین پیش کیتا۔ انھاں خصوصاً گلگت بلتستان تے چترال دے دور دراز تے پسماندہ علاقوں اچ اے کے ڈی این دے مؤثر کردار کوں سراہیا۔ وزیراعظم اے کے ڈی این کوں پاکستان، بالخصوص گلگت بلتستان تے چترال اچ آپݨی شراکت داری کوں ٻیا ودھاوݨ دی ترغیب ݙتی، جتھ ایں نیٹ ورک دی ادارہ جاتی موجودگی تے عوامی خدمات کوں بے حد قدر دی نگاہ نال ݙٹھا ویندے۔ انھاں آغا خان یونیورسٹی دے نال ٻئے تعاون دا وی خیرمقدم کیتا اتے صحت تے اعلیٰ تعلیم دے شعبیاں اچ ایں دی نمایاں خدمات کوں سراہیا۔ ماحولیاتی تحفظ کیتے پرنس رحیم آغا خان دی کووششاں کوں سراہیندیں ہوئیں وزیراعظم آکھیا جو پاکستان اچ موسمیاتی تبدیلیاں نال نمٹݨ، خصوصاً گلیشیئرز توں متاثرہ شمالی علاقوں اچ ماحولیاتی استحکام دے فروغ کیتے اے کے ڈی این ہک قدرتی تے قابلِ اعتماد شراکت دار اے۔وزیراعظم پرنس رحیم آغا خان پنجم دا پاکستان دے دورے تے شکریہ ادا کریندیں ہوئیں آکھیا جو پاکستان ہمیشہ انھاں دا ݙوجھا گھر رہسی۔ انھاں امید ظاہر کیتی جو پرنس رحیم دے باقاعدہ دورے پاکستان تے اسماعیلی برادری وچال دیرینہ تعلقات کوں مزید مضبوط بݨیسن۔ وزیراعظم اسلام آباد مذاکرات کیتے سرینا ہوٹل بلا معاوضہ فراہم کرݨ تے پرنس رحیم آغا خان پنجم دی فراخدلانہ معاونت تے وی اظہارِ تشکر کیتا۔ وزیراعظم پرنس رحیم دے والد پرنس کریم آغا خان چہارم دے انتقال تے دلی تعزیت دا اظہار کیتا۔ وزیرِ اعظم پرنس کریم آغا خان دی تقریباً ست ݙہاکیاں تے محیط پاکستان توں وابستگی تے انھاں دی لازوال انسانی خدمات کوں خراجِ عقیدت پیش کیتا۔پرنس رحیم آغا خان پنجم پاکستان اچ آپݨے پرتپاک استقبال تے وزیرِ اعظم دا شکریہ ادا کیتا اتے مختلف انسانی ترقی دے اقدامات اچ پاکستان دے نال تعاون جاری رکھݨ دی خواہش دا اظہار کیتا۔