پاک چین دوستی آپسی اعتماد، اخلاص، تعاون تے احترام دی بے مثال علامت اے، سپیکر قومی اسمبلی

اسلام آباد۔ 21 مئی (اے پی پی) سپیکر قومی اسمبلی سردار ایاز صادق آکھیے جو پاک چین دوستی آپسی اعتماد، اخلاص، تعاون تے احترام دی بے مثال علامت اے۔ پاک چین سفارتی تعلقات دے 75 سال مکمل تھیوݨ ݙوہیں ملکاں دے تاریخی تے مثالی تعلقات دا عظیم سنگِ میل اے۔ خمیس کوں پاک چین دوستی دی 75ویں سالڳنڈھ دے موقع تے آپݨے سنیھے اچ انھاں پاک چین سفارتی تعلقات دی 75ویں سالڳںڈھ تے ݙوہیں ملکاں دی قیادت تے عوام کوں مبارکباد ݙتی اتے چینی صدر شی جن پنگ، چیئرمین این پی سی ژاؤ لی جی، این پی سی تے چینی عوام کیتے نیک خواہشات دا اظہار کیتا۔ انھاں آکھیا جو پاک چین سدا بہار سٹریٹجک شراکت داری تے مبنی دوستی دنیا کیتے مثال اے۔ پاکستان کوں چین دے نال ہر آزمائش اچ پورا اترݨ لہݨ دوستی تے فخر اے۔ چین ہر مشکل گھڑی اچ پاکستان دا قابلِ اعتماد دوست تے مضبوط اسٹریٹجک شراکت دار رہیے۔ پاکستان تے چین ہمیشہ ہر عالمی تے علاقائی پلیٹ فارم تے ہک ٻئے دے موقف دی تائید کیتی اے۔ معیشت، تجارت، تعلیم، زراعت، انفراسٹرکچر تے ٹیکنالوجی سمیت ہر شعبے اچ پاک چین تعاون نویں بلندیاں تے ویندا پئے۔ انھاں آکھیا جو چین پاکستان اکنامک کوریڈور (سی پیک) ݙوہیں ممالک دے مابین پائیدار ترقی، اقتصادی استحکام تے مشترکہ خوشحالی دی روشن مثال اے۔