پاکستان ریلویز ولوں عیدالاضحیٰ دے موقع تے ترائے خصوصی ٹریناں چلاوݨ دا اعلان

لاہور۔ 21 مئی (اے پی پی) پاکستان ریلویز عیدالاضحیٰ دے موقع تے مسافراں دی اضافی آمدورفت پاروں ملک دے مختلف شہراں وچال ترائے خصوصی ٹریناں چلاوݨ دا فیصلہ کیتے جو عوام کوں بہتر، محفوظ تے آرام دہ سفری سہولتاں فراہم کیتی ونڄ سڳن۔ ترجمان دے مطابق پہلی خصوصی ٹرین 24 مئی کوں کوئٹہ توں راولپنڈی کیتے روانہ تھیسی، ݙوجھی خصوصی ٹرین ایں ݙینھ کراچی سٹی توں راولپنڈی جڈانجو تریجھی خصوصی ٹرین 25 مئی کوں کراچی کینٹ توں لاہور کیتے روانہ کیتی ویسسی۔ خصوصی ٹریناں ملتان، ساہیوال، لاہور، فیصل آباد، سرگودھا، روہڑی، بہاولپور، خانپور، جہلم تے ٻئے اہم اسٹیشناں توں گزرسن جو ملک بھر دے زیادہ توں زیادہ مسافراں کوں سفری سہولت فراہم کیتی ونڄ سڳے۔ خصوصی ٹریناں اچ اکانومی کلاس کوچز تے پاور وین شامل تھیسن جو عید دے رش دے دوران زیادہ تعداد اچ مسافراں کوں سہولت فراہم کیتی ونڄ سڳے۔ پاکستان ریلویز انتظامیہ متعلقہ ڈویژنز کوں خصوصی ٹریناں دے بروقت تے موثر آپریشن کیتے سارے انتظامات مکمل کرݨ دی ہدایات جاری کر ݙتن۔ ترجمان دے مطابق ٹریناں دی رفتار سیکشنل اسپیڈ دے مطابق رکھی ویسسی جڈانجو اے 105 کلومیٹر فی گھنٹہ توں تجاوز نہ کریسی۔ مسافراں توں اپیل کیتی ڳئی اے جو او باقاعدہ تے درست ٹکٹ دے نال سفر کرݨ اتے رش توں بچݨ کیتے پیشگی ریزرویشن کوں ترجیح ݙیون۔ پاکستان ریلویز عیدالاضحیٰ دے موقع تے عوام کوں بہترین سفری سہولتاں فراہم کرݨ کیتے آپݨے عزم تے قائم اے۔