حکومتِ پاکستان بیرونی سرمایہ کاری اچ اضافے کیتے ترجیحی بنیاداں تے اقدامات کریندی پئی اے، وزیرِ اعظم شہباز شریف دی قطری وفد نال ملاقات اچ ڳالھ مہاڑ

اسلام آباد۔ 22 مئی (اے پی پی) وزیرِ اعظم محمد شہباز شریف آکھیے جو حکومت بیرونی سرمایہ کاری اچ اضافے کیتے ترجیحی بنیاداں تے اقدامات کریندی پئی اے،  خصوصی سرمایہ کاری سہولت کونسل دے تحت سرمایہ کاری دی راہ اچ حائل رکاوٹاں کوں دور کیتے۔ اے ڳالھیں انہاں قطر دے تعمیر گروپ دے بانی محمد حسین آل علی دی قیادت اچ وفد نال ڳالھ مہاڑ کریندیں ہوئیں کیتا جئیں جمعہ کوں اتھاں انھاں نال ملاقات کیتی۔ وزیرِ اعظم آفس دے میڈیا ونگ توں جاری بیان دے مطابق ملاقات اچ نائب وزیرِ اعظم تے وزیرِ خارجہ سینیٹر محمد اسحاق ڈار، وفاقی وزرا احد خان چیمہ، عطاء اللہ تارڑ، وزیرِ مملکت بلال اظہر کیانی تے متعلقہ اعلیٰ حکام موجود ہن۔ وزیرِ اعظم آکھیا جو قطر پاکستان دا دیرینہ دوست اے جئیں ہر مشکل اوکھ اچ پاکستان دا ساتھ ݙتا، حکومت بیرونی سرمایہ کاری اچ اضافے کیتے ترجیحی بنیاداں تے اقدامات کریندی پئی اے، خصوصی سرمایہ کاری سہولت کونسل دے تحت سرمایہ کاری دی راہ اچ حائل رکاوٹاں کوں دور کیتا ڳئے۔ انھاں آکھیا جو پاکستان دے سیاحت، ہوٹلنگ تے ہاسپیٹیلٹی تے رئیل اسٹیٹ تے تعمیرات دے شعبے اچ سرمایہ کاری دی وسیع استعداد موجود اے۔ وزیرِ اعظم متعلقہ حکام کوں ہدایت کیتی جو گروپ کوں پاکستان اچ سرمایہ کاری دے حوالے نال سہولت تے معاونت فراہم کیتی ونڄے۔ تعمیر گروپ دے بانی گروپ ولوں پاکستان اچ سرمایہ کاری تے جاری منصوبیاں دا ڈسیا۔ انھاں ݙسایا جو تعمیر گروپ پاکستان اچ ہاسپیٹیلٹی تے ہوٹلز تے رئیل اسٹیٹ تے تعمیرات دے شعبے اچ سرمایہ کاری اچ دلچسپی رکھیندے تے ایں حوالے نال کئی منصوبیاں تے کام شروع تھی گئے۔ محمد حسین آل علی پاکستان اچ گروپ ولوں سرمایہ کاری اچ ودھارے اچ گہری دلچسپی دا اظہار کیتا۔ محمد حسین آل علی وزیرِ اعظم شہباز شریف دی قیادت اچ ملکی ترقی تے کاروبار تے بیرونی سرمایہ کاری اچ ودھارے کیتے اقدامات کوں سراہیا۔ انھاں آکھیا جو وزیرِ اعظم دی قیادت اچ حکومت ایس آئی ایف سی دے تحت سرمایہ کاراں کوں سہولت فراہم کرݨ کیتے مثبت اقدامات چیندی پئی اے۔