جنیوا اچ ورلڈ ہیلتھ اسمبلی دے موقع تے وفاقی وزیرِ صحت مصطفیٰ کمال دی انڈونیشیا دے وزیرِ صحت نال ملاقات

اسلام آباد۔ 22 مئی (اے پی پی) جنیوا اچ ورلڈ ہیلتھ اسمبلی دے موقع تے وفاقی وزیرِ صحت مصطفیٰ کمال نال انڈونیشیا دے وزیرِ صحت ملاقات کیتی، ملاقات اچ صحت دے شعبے سمیت ݙوپاسہ تعاون تے آپسی دلچسپی دے معاملیاں تے ڳالھ کیتی ڳئی۔وزارتِ صحت توں جاری بیان دے مطابق وفاقی وزیر آکھیا جو پاکستان تے انڈونیشیا دے گہرے مضبوط مراسم ہن۔ وزیرِ صحت مصطفیٰ کمال صحت دے شعبے اچ جاری اصلاحات بارے ݙسایا۔ انھاں آکھیا جو پاکستان اچ 13 بیماریاں دی ویکسین ٻالاں کوں مفت فراہم کیتی ویندی پئی اے تاہم انھاں اچوں کوئی وی ویکسین ملک اچ تیار نئی کیتی ویندی۔ حکومتِ پاکستان اے ویکسین عالمی اداریاں دے تعاون نال درآمد کریندی اے۔ انٹرنیشنل اداریاں ولوں ویکسین دی قیمت دا وݙا حصہ ادا کیتا ویندے جئیں دے باعث حکومت تے مالی بوجھ نسبتاً گھٹ رہندے۔ مصطفیٰ کمال آکھیا جو 2030 تک فنڈنگ بیرونی اداریاں دی زیرو تھی ویسسی، پاکستان کوں سارا بوجھ خود برداشت کرݨا پوسی۔ پاکستان ویکسین دی مقامی سطح تے تیاری کیتے پرعزم اے۔ پاکستان اچ مقامی سطح تے ویکسین دی پروڈکشن کیتے تیزی نال کام جاری اے۔ ویکسین دی مقامی سطح تے تیاری کیتے انڈونیشیا اساݙا لیڈنگ پارٹنر اے۔ پاکستان نیشنل ویکسین پالیسی بݨا گھدی اے۔ انھاں آکھیا جو اساݙی حکومت لوکاں کوں بیمار ہووݨ توں بچاوݨ کیتے خصوصی اقدامات کوں یقینی بݨیندی پئی اے۔